७ जेठ, काठमाडौं । राजधानीमा बिहीबार सुरु चीन नेपाल भारत सम्बन्धको प्रमुख विशेषता र नेपालका लागि नयाँ विकास रणनीति अन्तर्राष्ट्रिय सम्मेलनमा धारणामा भारत र चीनबीच स्थलसम्पर्क भए प्रमुख दुई छिमेकीका प्रमुख सहरबीचको दुरी दुई तिहाइसम्म घट्ने विज्ञले औँल्याएका छन् । दिल्लीबाट नेपाल हुँदै चीनको कुम्निङसम्म सिधा दुरी २ हजार ८ सय ८७ किमी चोङचिङसम्म् ३ हजार १ सय ५१ र चेदुङसम्म २ हजार ९ सय ११ किमी मात्र हुन्छ । अहिले यी दुबै स्थानबीच हङकङ हुँदै जल तथा स्थलमार्गबाट सम्पर्क स्थापित छ ।स्रोत – नागरिक
१४ मंसिर, काठमाडौं – बिहान ६ बजेर १० मीनेट जाँदा ४.१ रेक्टर स्केल म्याग्नेच्यूटको पराकम्पन गएको राष्ट्रिय भूकम्प मापन केन्द्रले जनाएको छ । सोमबार बिहानै राजधानी बासीलाई भूकम्पले धक्का दिएको छ । शिवपुरी नागांर्जुन राष्ट्रिय निकुञ्ज परिसरमा केन्द्र विन्दु बनाएर गएको पराकम्पलाई राजधानीबासीले महसुस गरेका थिए । गत वैशाख १२ गते गएको भूकम्पका पराकम्पन अझै गइरहेका छन् । वैशाख १२ गते पछि अहिले सम्म ४ रेक्टर स्केल भन्दा माथिका चारसय १४ वटा पराकम्पन गइसकेको मापन केन्द्रले जनाएको छ ।
कबिता
भन्थे सब जनहरु एक स्वरले नयाँ नेपालमा !
शान्ति आउछ घरघरमा मेलहुन्छ आपसमा !!
खोई त्यो शान्ति कता गयो अहिले मुर्दा सरिभइगयो !
टालटुलको राजनीति कतिदिन चलोस झुठा सरिभइगयो !!
नेता झन जालझेल गर्छन् कपट पाली मनमा !
मर्छन् गरीबहरु खान नपाई तागत नभई तनमा !!
आङ ढाक्ने खोल छैन बिचरा अन्धकारैमा परि !
गुण्डा राज छ यहाँ दिन दहाडै काला बजारी गरि !!
अड्डा खाना न्यायलयहरु घुसखोरीको केन्द्रभो !
सास्ती पाउँछ निर्दाे विचरो बेसहारा त्यो छ जो !!
खुलमखुल्ला भ्रष्ट्रचारीहरुको बर्चश्व बढ्दै गयो !
इमान्दारी, सज्जनहरु हरदिन त्र्रmमशः घट्दै गयो !!
ठुलो आश देखाई पहिले माखो नमारी कन !
जानीजानी खेलवाड गछ्र्रन् लाजै नमानी कन !!
फोस्रो भाषण तारेहोटलमा गर्छन वेजोडले !
बेच्छन् नाम सधै निमुखाहरुको जस पाउने होडले !!
फेर्छन् बोली दिन दिन पिच्छे पत्याउनै गाह्रो भो !
कामै केहि नगरि पेटभरनु यो त अति साह्रो भो !!
भन्थे सपना सहिदको साकार पाछौ अब !
बेला भड्किन लाग्दा हतार गर्छन् जो मान्यजन सब !
छैन स्थान राम्रा मान्छेहरुको पारिन्छन् पाखामा !
जस्तै खराब होस्ता पनि आफ्नाहरुलाई च्यापिन्छ काखमा !!
ठुलो माछाले सानालाई फगतमा निल्छ उसै चालले !
मत्य न्याय सरि बिभेद जगतमा बढ्यो यसै तालले !
– भोला दुलाल –
काठमाडौँ – भारतद्वारा लामो समयदेखि अतिक्रमित पर्साको ठोरीस्थित ९६ रोपनी नेपाली भूमि अन्ततः नेपालले फिर्ता पाउने भएको छ । नेपाल र भारतबीच मुख्य विवादित क्षेत्रमा पर्साको ठोरी, नवलपरासीको सुस्ता, दार्चुलाको कालापानीलगायत पर्छन् । ८३ र ८४ सीमा स्तम्भ साबिककै स्थानमा गाड्न भारत सरकार राजी भएपछि १२ एकड अर्थात् ९६ रोपनी नेपालको जमिन विधिवत् रुपमा आफ्नै स्वामित्वमा आउने भएको हो । ठोरी गाविसमा पर्ने ती दुई सीमा स्तम्भ नेपालकै प्रस्तावमा पुरानै स्थानमा गाडढ्न भारतीय पक्ष राजी भएपछि संयुक्त सीमा सर्भेका क्रममा नेपाल र भारतबीच स्थानीय स्तरमा जेठ अन्तिम साता त्यस विषयमा हस्ताक्षर भइसकेको छ । स्रोत : अन्नपूर्ण पोष्ट दैनिक
नेपालीहरुको घर आँगनमा आइरहेको नयाँबर्ष २०७२ ले हाम्रा सम्पुर्ण पर्यटन व्यबसायी बर्ग, राजनितिक बर्ग, उधोगी तथा व्यबसायी बर्ग, समाजसेबी साथै देश तथा बिदेशमा रहनु भएका सम्पुर्ण नेपालीदाजुभाई तथा दिदिबहिनीहरु लगायत हाम्रा शुभचिन्तक एवं शुभेच्छुक सहकर्मी मित्रहरु समक्ष यहाँहरुको जीबनमा नयाँ उत्साह, उमंग,जोस, नयाँ आयाम, दिर्घायु, समृद्घि, सु–स्वास्थ एवं उत्तरोत्तर प्रगती यसबर्षले ल्याओस् भन्ने सद्भाबना प्रकट गर्दै हार्दिक मंगलमय शुभकामना व्यक्त गर्दछौ ।
बिकास श्रेष्ठ
अध्यक्ष / प्रबन्ध निर्देशक
महेश भण्डारी
राजकुमार श्रेष्ठ
नबराज श्रेष्ठ
राजु श्रेष्ठ
प्रबन्ध निर्देशक
टोटल अटो सोलुसन एण्ड टेडिङ्ग प्रा.ली., चावहिल,काठमाडौ ।
फोन नं ४४६२५००
झापा : तीस दलीय गठबन्धनले गरेको बन्द फिर्ता लिए पनि बन्दको प्रभाव आज पनि झापामा कायमै छ । कार्यालय तोडफोड गर्दै र पसल बन्द गर्दै हिँड्ने क्रममा पक्राउ परेका कार्यक्रर्ताको रिहाइको माग गर्दै एकीकृत नेकपा(माओवादी) झापाले जिल्ला बन्द गरेको जनाएको छ । भारतको पानीट्याङ्कीबाट धरानको बूढानीलकण्ठ दर्शनका लागि हिँडेका छ जना यात्रुलाई भ्यानबाट ओराली पश्चिमबाट पूर्वतर्फ मोटरसाइलमा आउँदै गरेका दुई जना कार्यकताले पेट्रोल छर्केर आगजनी गरी चारआली जङ्लतर्फ भागेको प्रहरीले जनाएको छ । आगजनीबाट भ्यान पूरै जलेको छ । लामो तथा छोटा दूरीका गाडी प्रहरीले स्कटिङ गरेर बिहानैदेखि चलाइरहेको छ ।
काठमाडौँः विभिन्न दलका नेता तथा कार्यकर्ताले आफ्ना पार्टीका चर्चित व्यक्तित्वको नाम जोडेर चलाएका अस्पतालले पहुँच र दबाबकै भरमा राज्यबाट करोडौं अनुदान लिने गरेको खुलेको छ । स्वास्थ्य मन्त्रालयले बाँड्ने यस्तो रकम कुन शीर्षकमा ,कसरी खर्च हुन्छ भन्ने अनुमानसमेत हुँदैन । प्रष्ट नीतिबिनै बाँडिने रकम चरम दुरुपयोग हुने गरेको छ । रकम पाउने अधिकांश निजी तथा सामुदायिक अस्पतालले सेवा शुल्कका नाममा बिरामीसँग पनि चर्को शुल्क असुल्दै आएका छन् । स्वास्थ्य मन्त्रालय,चिकित्सा सेवा महाशाखाका प्रमुख गुणराज लोहनीले सामुदायिक अस्पताललाई प्रदान गरिने अनुदान वितरणसम्बन्धी स्पष्ट नीति नहुँदा राजनीतिक पहुँचवालाले धेरैजसो रकम लैजाने गरेको छ । कांग्रेस नेता बिपी कोइराला,महेन्द्रनारायण निधि,गिरिजाप्रसाद कोइराला,कम्युनिष्ट पार्टी संस्थापक पुष्पलाल र कम्युनिष्ट नेता मनमोहन अधिकारीका नाममा खुलेका अस्पतालसमेत यसरी कुम्ल्याउनेमा पर्छन । स्रोत : नागरिक दैनिक
१७ चैत, भैरहवा – डेढदशकदेखि लुम्बिनी भ्रमणमा आउने चिनियाँ पर्यटकहरूको संख्या निरन्तर बढ्दै गइरहेको छ । सन् २००० मा २६६ जनामात्र चिनियाँ पर्यटक लुम्बिनी भ्रमणमा आएका थिए तर २०१४ मा आइपुग्दा यो संख्या २० हजार ७१८ पुगेको लुम्बिनी विकास कोषका ले बतायो । लुम्बिनी भ्रमणमा आउने विदेशी पर्यटकहरूमा (राहदानीबाहक) सबैभन्दा बढी श्रीलंकाका छन् । श्रीलंकापछि थाइल्यान्ड र अहिले तेस्रो स्थानमा चिनियाँ छन् ।
सन् २०१३ माभन्दा सन् २०१४ मा चिनियाँ पर्यटकहरूको आगमन करिब ३३ प्रतिशतले वृद्धि भएको देखिन्छ । २०१४ मा १३ हजार ५६१ पर्यटक लुम्बिनी आएकामा सन् २०१४ मा २० हजार ७१८ पुगेको छ । श्रीलंका र थाइल्यान्डका पर्यटकको तुलनामा चिनियाँ पर्यटकहरूको लुम्बिनी बसाइ पनि बढी हुने गरेको देखिन्छ ।
चिनियाँ पर्यटक आगमन अहिले नेपालभरनै बढेको अवस्थामा लुम्बिनीमा बढ्नु पनि स्वाभाविक नै भए पनि नेपाल आउने हरेक चिनियाँको चाहना बुद्धजन्मस्थल लुम्बिनी घुम्न आउनु रहेको पाइएको छ । अधिकांश त्रिभुवन अन्तर्राष्ट्रिय विमानस्थल र तातोपानी नाका हुँदै भित्रने चिनियाँ यहाँ आउने गरेका छन् । यसले पनि चिनियाँ पर्यटकहरूको संख्या बढ्नु सकारात्मक संकेत रहेको पर्यटन व्यवसायीहरू बताउँछन् ।
जनकपुर नगरपालिका क्षेत्रको गुठीको जमीनमा कतिसम्म अतिक्रमण भएको छ भने राममन्दिरको साविक २ हजार ८ सय ६७ विगाहा जग्गामध्ये २५ सय विगाहा अतिक्रमणमा परिसकेको छ ।
जानकी मन्दिरको ६ सय विगाहमध्ये ५ सय ३० विगाह, लक्ष्मण मन्दिरको ४ सय १० विगाहामध्ये ३ सय ९० विगाहा र रत्नसागरको ६५ विगाहामध्ये ४२ विगाहा जमीन अतिक्रमणमा परेको छ ।
त्यस्तै कुवा मठको ४ सय ८५ विगाहामध्ये ४ सय ६० विगाहा र हनुमान मठको १ सय ४३ विगाहा मध्ये १ सय ३० विगाहा जमीन अतिक्रमणमा परेको छ ।
गुठीकोे शरणमा आएका महन्थहरुले नै गुठीको श्रीसम्पति नै विनाश गर्ने खेलको अगुवाइ गरेकाले देवभूमिमा भूमाफियाको व्यापार चलिरहेको छ । यसमा गुठी संस्थान, मालपोत, नापी कार्यालय र महन्थ मात्र होइनन्, अपराधकर्मीहरु समेत सक्रिय देखिएका छन् ।
जनकपुरधाममा ७२ तलाउ, १५ कूप (कुवा), १५ शिवालय, २४ देवीपीठ, ५ उपवन, २६ ऋषि आश्रम बनेको तथ्यांकमा देखिन्छ । तर, ती मठमन्दिर, कुटी, सरोवर र कुण्ड आदि अतिक्रमणमा परेर लोपोन्मुख छन् ।
रामानन्द सम्प्रदायका उन्नायक सन्त रामानन्दको गुठी जमीनसमेत भूमाफियाको हातबाट बेचिइसकेको छ । वैष्णव सन्त रामानन्दका नाममा अहिले सार्वजनिक चोकमात्रै बाँकी छ ।