भरतसन्तोषी,काठमाडौ – युवा पुस्तामाझ चर्चा बटुलिरहेका रचनाकार हुन् सुरेन्द्र थपलिया । उनले भर्खरै मात्र आधुनिक गितको संगालो ‘स्मरण’ बजारमा ल्याएका छन् । राजधानीमा आयोजित पत्रकार सम्मेलनमा ‘स्मरण’को बिमोचन गरिएको हो । संगितकार डा. कृष्णहरी बरालले सो एल्बमको बिमोचन गर्दै एल्बममा समावेश भएका गित स्मरण गर्न लायक रहेको बताए । श्रोता र दर्शकको चाहानालाई बुझेर सुरेन्द्रले एल्बम तयार पारेका छन् । सुरेन्द्रको गीतकारितामा परिपक्वता भेटिन्छ भन्नुहुदै उहाँले नेपालको संगित क्षेत्र धरासायी भएको अवस्थामा नयाँ नयाँ सृजना आउनुले संगित क्षेत्रमा थप एक इट्टा थपिएको बताउनु भयो । डाक्टर बरालले समाजमा भएका विषय बस्तुलाई पनि गीतसंगितमा समावेश भएकोमा खुसी ब्यक्त गरेका थिए । कार्यक्रममा पत्रकार/ निर्देशक माधब खरेलले म्युजिक भिडियोको खुलेर प्रसम्सा गर्नु भयो । समाजिक परिवेशको र चेतनामूलक भिडियो बनेको भन्दै उहाँले यस्ता भिडियोहरु मिडियाले प्राथमिक्ताका साथ् प्रसारण गर्नु पर्नेमा जोड दिनु भयो । कार्यक्रममा बोल्नुहुदै थपलिया समाजका अध्यक्ष बिरेन्द्र थपलियाले समय र समाज अरुसार गीत संगीत बन्नु पर्नेमा जोड दिदै आफुलाई “स्मरण”को भिडियो हेर्दा गर्व लागेको बताउनु भयो । उहाँले सुरेन्द्र आफ्नो छोरा र स्मरण एल्बम नाति जस्तै हो भन्नू भएको थियो । उपस्थित सम्पुर्ण बक्ताहरुले स्मरण र सम्पुर्ण टिमलाई शुभकामना दिए । वर्णमाला क्रियसन एण्ड देशभक्त मिडिया नेटवर्कको प्रस्तुती रहेको सो एल्बममा थपलियाको एकल शब्द रहेको छ भने चर्चित संगीतकार राम सिटौलाको एकल संगीत रहेको छ । ‘स्मरण’मा चार वटा गित समावेश गरिएको छ, जसमा मुटुदुख्यो बेसरी बेसरी, चोखोमाया दिन्छु तिमिलाई, कति आए कति गए, माया माया भन्छौ युवा देशको माया कति छ ? जस्ता देशभक्ति र आधुनिक गितहरु रहेका छन् । स्मरणमा सत्यराज आचार्य, दिपक लिम्बु, रजिना रिमाल, प्रमोद खरेल, देविना भट्टराई लगायतको स्वर रहेको छ । एल्बमको दुई वटा भिडियो पनि तयार भैसकेको छ । भिडियोमा नायक राजन लामिछाने, नयिका रुपा खनाल र स्मीता थपलिया, कलाकार नयन राज पन्डे, राजन थपलिया, अनिता श्रेष्ठ लगायतको अभिनय रहेको छ । मुटुदुख्यो बेसरी बेसरी र कति आए कति गए बोलको गीतको भिडियो बनाईएको हो । दुबै म्युजिक भिडियोको निर्देशन चाल लगाएत ठुलो पर्दाको फिल्मको निर्देशन गर्नुभएका अनुभबी निर्देशक रुपेश उप्रेतीले गरेका हुन् ।

मंसिर १२, २०७२- औचित्य पुष्टी नभएका दुतावास बन्द गर्ने या अर्को मुलुकमा सरकारले द्विपक्षीय सम्बन्ध बिस्तारका लागि विभिन्न मुलुकमा खोलिएका दूतावासहरूको औचित्य मुल्यांकनको तयारी थालेको छ । वाषिर्क ५ करोडभन्दा बढी खर्च भइरहेका केही दुतावास औचित्यहीन रहेको बताइने गरेको छ । केही मुलुकमा आफन्त वा कार्यकर्तालाई जागिर खुवाउनका लागि मात्र दुतावास खोलिएको आरोप लाग्दै आएको छ ।  सोही कारण सरकारले परराष्ट्र सचिव शंकरदास बैरागी नेतृत्वमा विशेष टोली गठन गरेर मुल्यांकन गर्न लागेको हो ।
सरकारले यसअघि संस्थागत सुधार गर्ने उद्देश्यले चार वटा विज्ञ समुह खडा गरेको थियो । ती समुहबाट दुतावासहरूको औचित्य मुल्यांकनको सुझाव आएको थियो ।
नेपालमा देखिएको कूटनीतिक छाडापन नियन्त्रण गर्न  मुलुकको कुटनीतिक क्षमतामा ह्रास आएको बताउँदै मन्त्री थापाले सोही कारण सुधारको आवश्यकता देखिएको बताए । हाल २९ मुलुकमा दूतावास, २ स्थायी नियोग, ४ महाबाणिज्य दूतावास र एक बाणिज्य दूतावास छन् । तीमध्ये केही कामविहिन रहेको उनीहरूका मासिक प्रतिवेदनबाट समेत स्पष्ट हुन्छ । डेनमार्कले नेपालमा रहेको आफ्नो दुतावास बन्द गर्ने तयारी गरिरहेको छ भने क्यानाडाले द्विपक्षीय सहयोग बन्द गरेको छ ।

काठमाडौं – भारतीय नाकाबन्दीका कारण खाना पकाउने ग्यासको चरम अभाव भएकाले सर्वसाधारण विद्युतीय चुलो बाल्न बाध्य भएपछि बिजुलीमा भार (लोड) बढेर धमाधम ट्रान्सफर्मर पड्कन र तार जल्न थालेका छन्। प्राधिकरणका कार्यकारीनिर्देशक मुकेशराज काफ्लेले एक सातायता नदीमा जलस्तर घट्न गई विद्युत् उत्पादनमा समेत कमी हुन थालेका बेला सर्वसाधारणले हिटर, इन्डक्सन चुलोजस्ता विद्युतीय उपकरणमा भात पकाउन थालेपछि प्राधिकरणलाई प्रणाली व्यवस्थापन गर्न कठिन परिरहेको बताए। अघिल्लो साता प्राधिकरणका आफ्ना विद्युत्गृहबाट तीन सय ८० मेगावाट विद्युत् उत्पादन भइरहेकोमा बिहीबार तीन सय ४४ मेगावाटमात्र उत्पादन भएको छ।

विशेष गरेर बेलुका ६ देखि ८ बजेसम्म खाना पकाउने समयमा जुनसुकै फिडरमा पनि तार बल्ने र ट्रान्सफर्मर पड्कने गरेको छ । यसले गर्दा नेपाल विद्युत् प्राधिकरणलाई भार व्यवस्थापन गर्न हम्मे परेको छ। प्राधिकरणका विभिन्न वितरण केन्द्र र क्षेत्रीय कार्यालयबाट विद्युतीय लोड बढेका कारण तार र ट्रान्सफर्मर जल्ने गरेको जानकारी आउन थालेको प्राधिकरणका वितरण तथा ग्राहक सेवाका उपकार्यकारीनिर्देशक रामचन्द्र पाण्डेयले बताए। उपत्यकासहित देशका विभिन्न भागमा ट्रान्सफर्मर, एमसीसीसीभी (ट्रान्सफर्मर कन्ट्रोलर), वितरण तार (केबल) बल्ने गरेकाले तत्काल अर्को मर्मत गर्न पनि ट्रान्सफर्मर र पेट्रोलियम अभावले उत्तिकै समस्या भएको पाण्डेले बताए। भक्तपुरका कालीघाट, व्यासी, सूर्यविनायकचोक, खौमा, नागपोखरी, कमलविनायक, सुन्दरबस्ती, सिर्जनानगर, कटुञ्जेलगायत क्षेत्रमा ट्रान्सफर्मरमाथि अत्यधिक लोड परेको अमात्यले बताए। ‘अहिले विद्युत् प्रणालीमा दैवीविपत्ति परेजस्तो भइरहेको छ’, उनले भने, ‘प्रणालीले धेरै दिन यस्तो भार थेग्न सक्दैन।’

देशभर खाना पकाउने समयमा सबैभन्दा बढी बिजुलीको लोड भक्तपुरमा परेको छ। भक्तपुर वितरण केन्द्रका प्रमुख विक्रम अमात्यका अनुसार यो साता भक्तपुरमा पाँचवटा ट्रान्सफर्मर जलिसकेका छन्। सय केभीएको ट्रान्सफर्मरले दुई सय घरमा बिजुली बाल्न पुग्ने ठाउँमा सबैले हिटर बालेका कारण ३० परिवारलाईसमेत विद्युत् पुगेको छैन।