नुवाकोट:   चीनले अनुदानमा नेपाललाई उपलव्ध गराएको एक हजार मेट्रिक टन पेट्रोल लिन आयल निगम, चिनीया दुतावास तथा वाणिज्य तथा आपुर्ति मन्त्रालयका टोली १२ वटा ट्यांकरसहित शुक्रबार दिउँसो नुवाकोटको विदुर हुँदै रसुवाको धुन्चे पुगेको छ। चीनले अनुदानमा नेपाललाई उपलब्ध गराएको पेट्रोल लिन शुक्रवार दर्जन ट्यांकरसहित नेपाली सरकारी टोली रसुवा पुगेको छ। शुक्रवार बेलुकी धुन्चेमा चिनियाँ पक्षसंग वार्ता गरी  शनिवार बिहान ट्यांकरसहितको टोली चीनको ल्हासाको केरुङ पुग्ने र त्यहां पेट्रोल भरेर ट्यांकरहरु हस्तान्तरण गर्ने कार्यक्रम छ।

१३ कात्तिक, काठमाडौं – काठमाडौंमा (शनिबार)बाट ग्यास डिपोहरुबाट ग्यासको बिक्री सुरु हुँदैछ ।  उपभोक्ताहरुले आफ्नो नजिकको ग्यास डिपोहरुबाट ७ दशमलव १ किलोग्राम ग्यास भरिएको सिलिन्डर किन्न पाउनेछन् । जसको मूल्य सातसय रुपैयाँ पर्नेछ । पूरा भरिएको सिलिन्डरको मूल्य १४ सय रुपैयाँ थियो । नेपाल आयल निगमले काठमाडौंमा चर्किएको ग्यासको अभावको समस्या टार्न एकैपटक धेरै बुलेट ग्यास भित्राएर आधा सिलिन्डर भरेर बिक्री गर्ने योजना बनाएको छ । जसअनुसार वीरगञ्जबाहेक अन्य नाकाबाट छिटपुट रुपमा भित्रिएका बुलेटलाई एकत्रित गरेर काठमाडौं ल्याईँदैछ ।

‘यसअघि उद्योगहरुमै उपभोक्ताको भिड लागेका कारण बजारसम्म ग्यास आएन ।’ एक बुलेट ग्यासले झण्डै १२ सय ५० सिलिन्डर ग्यास भरिन्छ । तर, आधा सिलिन्डर मात्र ग्यास भर्दा एक बुलेटबाट झण्डै २५ सय उपभोक्ताले ग्यास पाउनेछन् ।

 चीनबाट पनि इन्धन ल्याउन समझदारी (एमओयू) भएको भोलिपल्टै भारतीय आयल कर्पोरेसन्स (आईओसी)ले भारत गएका अधिकांश ट्यांकरमा पेट्रोलियम पदार्थ भरिदिएको छ । नेपाल आयल निगमका अनुसार बिहीबार इन्धन ल्याउन भारत गएका १ सय ८ मध्ये ८३ ट्यांकरमा आईओसीले इन्धन भरिदिएको हो । ‘केही दिनअघिको तुलनामा आपूर्ति बढाएको छ,’  ती ट्यांकर सिलगढी, बेतालपुर, बरौनी र गोन्डामा लोड भएका हुन् । एक महिनायता आईओसीले आवश्यकताको १० प्रतिशतमात्रै इन्धन दिँदै आएको थियो ।  भारतीय अनलाइन पत्रिका बिजनेस स्ट्यान्डर्डका अनुसार आईओसी नेपाल जस्तो लामो समयको व्यापारिक साझेदारलाई गुमाउन चाहँदैन । तेल उद्योगसम्बन्धी अन्तर्राष्ट्रिय सम्मेलनका क्रममा पत्रकारहरूसँग छुट्ट्रै बोल्दै आईओसीका अध्यक्ष एवं प्रबन्ध निर्देशक बी अशोकले आपूर्ति बढाउने जानकारी समेत दिएको अनलाइनमा उल्लेख छ । ‘चीनसँगको सम्झैतापश्चात् एकाधिकार तोडिएको छ । जसले गर्दा आईओसी केही नरम भएको जस्तो देखिन्छ,’ निगमका एक अधिकारीले भने, ‘त्यसैले लोड बढाएको हुन सक्छ ।’ ती अधिकारीका अनुसार इन्धनको लोड बढाएको भन्नेबारे औपचारिक जानकारी गराएको छैन । उनले भने, ‘तर, विगतको तुलनमा धेरै ट्यांकरले लोड पाएका छन् ।’ निगमका अनुसार सबैभन्दा बढी रक्सौल नाकाबाट इन्धन भित्रिन्छ । ती नाकाबाट ७० प्रतिशत आयात हुन्छ । तर, रक्सौल नाकाबाट महिनायता इन्धन आयात भएको छैन । राष्ट्र बैंकका अनुसार गत आर्थिक वर्षमा भारतबाट सवा खर्ब रुपैयाँको इन्धन आयात भएको थियो । यहाँ एकाधिकार जमाउँदै आएको आइओसीका लागि नेपाल मुख्य बजार हो । निगमका अनुसार इन्धन खपत प्रत्येक वर्ष १२ देखि १५ प्रतिशतले बढदै गएको छ । इन्धनको माग बर्सेनि बढ्न थालेपछि आईओसीले मागअनुसार पूर्ति गर्न सकिरहेको थिएन ।

१३ कात्तिक, काठमाडौं – भूकम्पमा मुलुकको भौतिकतर्फ पाँच खर्ब १३ अर्ब र राजस्वलगायतको नोक्सानी एक खर्ब ८७ अर्ब गरी सात खर्ब रुपैयाँ भएको छ ।  १२ वैशाख र त्यसपछिका परकम्पले थला परेको नेपालको अर्थतन्त्रमा तराई मधेसको आन्दोलन र भारतीय नाकाबन्दीले करिब पाँच खर्ब रुपैयाँको क्षति भएको छ । भूकम्प र भारतीय नाकाबन्दीले मुलुकको कुल गार्हस्थ उत्पादनमा झन्डै आधा अर्थात् करिब १२ खर्ब रुपैयाँबराबरको क्षति पुगेको छ । भन्सार अवरोधबाट दैनिक ५० करोड रुपैयाँ राजस्व गुमिरहेको अर्थ मन्त्रालयले जनाएको छ । उत्पादन घटेर व्यवसाय राम्रो नहुँदा कर तिर्न पनि व्यवसायीलाई समस्या परेको छ । ठूला लगानीकर्ताले बैंकको सावाँ–ब्याज तिर्न सकेका छैनन् ।   भूकम्पपछि निर्माण अवरुद्ध भएका जलविद्युत् आयोजनाले पनि इन्धन अभावमा काम सुरु गर्न सकेका छैनन् । असोजको पहिलो हप्ताबाट काम थाल्ने तयारी गरिरहेका आयोजनाले इन्धन अभावमा सुरु गर्न सकेका छैनन् । सार्वजनिक र निजी क्षेत्रबाट निर्माणाधीन सबै आयोजनाको काम रोकिएको छ ।यसले मुलुकको अर्थतन्त्रका साथै सामाजिक संरचनामा पनि असर परेको छ । भन्सार अवरोध र तराईमा भइरहेको लगातारको बन्दले औद्योगिक उत्पादन ठप्प रहेको खबर छ ।स्रोत: नयाँ पत्रिका

११ कात्तिक, पाल्पा  – तानसेनदेखि गाउँ जाने र गाउँबाट तानसेन आउने स्थानीय यातायात साधन जिप, भ्यान, कारले मनपरी गाडी भाडा असुल्ने गरेपछि यात्रु मर्कामा परेका छन्   दसैँ–तिहारका बेला पहाडी जिल्ला पाल्पामा सञ्चालित सवारीसाधनले यात्रुबाट मनपरी भाडा असुल्ने गरेका छन् । ९० रूपैयाँ लाग्ने भाडामा तीन सय देखि पाँच सय रूपैयाँसम्म भाडा असुल्ने गरिएको यात्रुको गुनासो छ । इन्धनको अभाव देखाउँदै यहाँ सञ्चालित सवारीसाधनले दोब्बर, तेब्बर गाडीभाडा यात्रुबाट असुल्ने गरेका छन् ।  रासस

१० कात्तिक, काठमाडौं । नेपालका सरकारी अधिकारीहरुको योजना अनुसार काम हुने हो भने अबको दुई साताभित्र चीनबाट नेपालमा नियमित रुपमा इन्धन आउन थाल्नेछ । चीनबाट तेल ल्याउने प्रक्रियामा प्रधानमन्त्री केपी ओली, एमाओवादी अध्यक्ष प्रचण्ड, एमाओवादी उपाध्यक्ष नारायणकाजी श्रेष्ठ, आपूर्तिमन्त्री गणेशमान पुन र चीनका लागि नेपाली राजदूत महेश मास्केले निर्णायक भूमिका खेलेका छन् ।

भारतले अघोषित नाकाबन्दी गरेको लामो समयसम्म चीनलाई औपचारिक आग्रह समेत गर्न नसकेको सरकार दसैंमा एकाएक जुर्मुराएको छ । चीनले १० हजार मेटि्रक्टन अर्थात १३ लाख लिटर पेट्रोल अनुदानका रुपमा दिने बताइसकेको छ । थप सम्झौताका लागि नेपाली टोली बेइजिङ पुगिसकेको छ । अहिले इन्धन आयातमा नेपाल पूर्णरुपमा भारतमा निर्भर छ । जसका कारण उसले नाकाबन्दी गर्दा देश ठप्पजस्तै भएको छ । तर, भारतले गरेको नाकाबन्दीलाई अवसरका रुपमा लिँदै चीनतर्फको विकल्प खुला गर्न लागिएको यो प्रक्रियामा संलग्नहरु बताउँछन् । चीनबाट तेल ल्याउने प्रक्रियामा सहभागी नेताहरुका अनुसार अबको दुई सातामा नै चीनबाट तेल आउने सम्भावना छ । अब चिसो मौसम सुरु भएपछि चीनतर्फबाट बाटो हिउँका कारण अवरुद्ध हुन्छ । जसले नेपालतर्फ तेल आउन रोकिने छ । नेपाली अधिकारीहरुले नेपालमा तेल ल्याउन बढीमा एक डेढ महिना मात्र सकिने भएकाले त्यसअघि नै भण्डारणलगायतको बन्दोबस्ती मिलाउन आग्रह समेत गरेको छ ।