अमेरिकाको मिजुरी २४९ को अन्तरराज्य राजमार्ग ४४ पूर्व जाने क्रममा ट्राफिक बत्तीमा रोकिएको टोयोटा आरएभी ४ लाई पछाडिबाट सोही दिशामा गइरहेको टोयोटाको पिकअप ट्रकले ठक्कर दिदा तीन जना नेपालीको मृत्यु भएको छ भने दुई जना घाइते भएको छ । मृत्यु हुनेमा श्रद्धा खनाल ओझा, उनका बुबा गोविन्द खनाल र आमा शान्ता खनाल रहेको प्रहरीले जनाएको छ । घटनामा श्रद्धाका पति प्रभास ओझा र उनीहरूकी ४ वर्षिय छोरी घाइते भएका छन्। प्रभासको अवस्था स्थिर छ भने बालिका अवस्था चिन्ताजनक छ।

पूर्व पश्चिम राजमार्गमा लु १९ प ५५०६ र रा ३ प २०६१ को मोटरसाइकल एक आपसमा ठोक्किएलगत्तै पश्चिमबाट पूर्वतर्फ गइरहेको ना ६ ख ६७७४ नम्बरको ट्रकले ठक्कर दिदा २ जनाको मृत्यु भएको छ । घाइते दुबै जनालाई उपचारको लागि लमही अस्पताल पुर्याइएको थियो । जिल्ला प्रहरी कार्यालयका अनुसार अस्पताल पुर्याए लगत्तै चिकित्सकले दुवैलाई मृत घोषणा गरेको जनाएको छ । ट्रक र चालक प्रहरी नियन्त्रणमा रहेको छ।

भोजपुरमा मे१ख ३१६४ नंको बस अनियन्त्रित भई बस सडकको नालीमा खस्दा १० घाइते
भएको छ भने एकको अवस्था गम्भीररहेको छ। प्रहरीका अनुसार घाइतेको जिल्ला अस्पताल भोजपुरमा उपचार भइरहेको जनाएको छ । गम्भीर घाइते हुनेमा झापाका सहचालक अर्जुन लिम्बू रहेको प्रहरीको भनाइ छ । लिम्बूको टाउकोलगायत विभिन्न ठाउँमा चोट लागेको छ । घटनापश्चात चालकलाई प्रहरीले नियन्त्रणमा लिएको छ ।

बागलुङ जिल्लाको ग१ज ७१८१ नंको जिपले किच्दा सात वर्षीय बालकको मृत्यु भएको छ । प्रहरीका अनुसार जिपका चालक सशीलाल थापाले पार्किङ गर्ने क्रममा जिप ब्याक गर्दा चालककै छोरा सात वर्षीय सलिन थापालाई किच्न पुग्दा घटनास्थलमै मृत्यु भएको जनाएको छ । बागलुङ बजारबाट यात्रु तथा सामान ओसारपोसार गर्ने जिप राति घर नजिकै पार्किङ गरेर राख्ने क्रममा एक्कासी बालकलाई किच्न पुगेको थियो । घटनाको विषयमा थप अनुसन्धान भइरहेको छ ।

बाजुराबाट कालीकोट जाँदै गरेको जीप दुर्घटना हुदाँ दुई जनाको मृत्यु भएको छ भने १२ जना घाइते भएको छ । प्रहरीका अनुसार घाइते भएका १२ जनाको नेपाली सेनाका हेलिकप्टरमार्फत उद्धार गरिएको जनाएको छ । दुर्घटनामा परी घाइते भएका १२ जनाको उपचारका लागि सङ्घीय गृह मन्त्रलायसँगको समन्वयमा उद्धार गरिएको प्रहरीले जनाएको छ । गम्भीर घाइते भएकालाई उपचारका लागि नेपालगञ्जमा रहेको कोहलपुर मेडिकलमा लगिएको प्रहरीले जनाएको छ । दुर्घटनामा परी दुई जनाको घटनास्थलमा नै मृत्यु भएको प्रहरीले जनाएको छ ।

पूर्वपश्चिम राजमार्गको मोरङमा १ ख ४८४२ नम्बरको यात्रु बस र विपरीत दिशाबाट आएको मे १त ५३९१ नम्बरको तरकारी बोकेको भ्यान आपसमा ठोक्किँदा २ जनाको मृत्यु भएको छ भने २१ जना घाइते भएको छ । घाइतेमध्ये केहीको अवस्था गम्भीर छ । प्रहरीका अनुसार घटनास्थलबाट ३ जनालाई च्यापिएको अवस्थामा उद्धार गरिएको जानकार दिएको छ । घाइतेहरु मध्ये ८ जनाको पथरी अस्पताल, ८ जनाको पथरी मोरङ डाइनास्टिक, ७ जनाको नोबेल र ५ जनाको न्यूरो अस्पतालमा उपचार भइरहेको जिल्ला प्रहरी कार्यालय मोरङले जानकारी दिएको छ ।

कपुरकोटको बासखोलामा ना४ख ९७११ नम्बरको ट्रक दुर्घटना हुँदा १० जना यात्रु घाइते भए
को छ । एकको अवस्था भने गम्भिर रहेको छ ।दुर्घटनामा परि गम्भिर घाइते भएका दुर्गा बस्नेतलाई उपचारको लागि नेपालगन्ज लगिएको छ भने अन्यको कपुरकोट स्वास्थ्यचौकीमा सामान्य उपचारपछि थप उपचारको लागि तुलसिपुर अस्पताल लगिएको प्रहरीले जनाएको छ । प्रहरीका अनुसार रुकुमबाट तुलसिपुर जाँदै गरेको ट्रकको स्टेरिङ्ग फेल भएका कारण ट्रक सडकदेखि ३५ मिटर तल खसेको जानकारी दिएको छ ।

काठमाण्डौको नागार्जुन हिल्स सडकको ओशो तपोवन नजिकै नगरपालीको फोहर उठाउने ट्रक खसेको छ । महानगरीय प्रहरी परिसर काठमाडौंका अनुसार ट्रक चालक सामान्य घाइते भएको जानकारी दिएको छ । ट्रक लाईबाहिर निकाल्ने प्रयास भैइरहेको छ । दुर्घटनामा मानवीय क्षेति भने भएको छैन ।

धादिङको ज्वालामुखीमा बा २ ख ९७५० नम्बरको ट्रक दुर्घटना हुँदा एकजनाको मृत्यु भएको छ भने तीनजना घाइते भएका छन् । दुर्घटनामा परी मृत्यु हुनेमा वर्ष ३६ का कृष्ण बहादुर रम्तेल रहेका छन् । जिल्ला प्रहरी कार्यालयका धादिङका अनुसार धादिङबेसीबाट सिमेन्ट लिएर काउँलेडाँडाको उकालो चढ्ने बेलामा ब्रेक फेल भएर दुर्घटना भएको जनाएको छ । घाइतेको घटनास्थलमै ज्यान गएको प्रहरीले जनाएकाने छ । दुर्घटनामा घाइते हुनेहरुमा वर्ष २२ की बिनु सुनार, उनकी छोरी दुई वर्षीया कपिज सुनार र चालक २५ वर्षीयका दिवाकर ढकाल रहेको प्रहरीले जनाएको छ । घाइतेहरुको जिल्ला अस्पताल धादिङमा उपचार भइरहेको छ ।

कृष्णभीरमा लु १ ख ९०७९ नम्बरको बस र बा ३ ख १००४ नम्बरको र बा २ ख ४५६७ नम्बरको माइक्रो बस आपसमा ठक्कर खाँदा २ जनाको मृत्यु भएको छ भने ३२ जना घाइते भएका छन् । घाइतेमध्ये १८ जनालाई उपचारका लागि काठमाडौँ पठाइएको छ । ७ जनाको गजुरी अस्पतालमा २ जनाको चरौंदीमा उपचार भइरहेको छ भने ३ जना सामान्य उपचारपछि घर फर्किएका छन् । इलाका प्रहरी कार्यालय गजुरीका अनुसार मृत्यु हुनेमा धादिङ साबिक महादेवस्थान ८ का २७ वर्षीय श्यामकुमार श्रेष्ठ र ठेगाना नखुलेकी २० वर्षकी एक युवती रहेको जनाएको छ । माइक्रोबसले बसलाई ओभरटेक गर्न खोज्दा दुर्घटना भएको प्रहरीले जनाएको छ । बसका चालकलाई जोगिमारा प्रहरी चौकीले नियन्त्रणमा लिएको छ ।