बागलुङ जिल्लाको ग१ज ७१८१ नंको जिपले किच्दा सात वर्षीय बालकको मृत्यु भएको छ । प्रहरीका अनुसार जिपका चालक सशीलाल थापाले पार्किङ गर्ने क्रममा जिप ब्याक गर्दा चालककै छोरा सात वर्षीय सलिन थापालाई किच्न पुग्दा घटनास्थलमै मृत्यु भएको जनाएको छ । बागलुङ बजारबाट यात्रु तथा सामान ओसारपोसार गर्ने जिप राति घर नजिकै पार्किङ गरेर राख्ने क्रममा एक्कासी बालकलाई किच्न पुगेको थियो । घटनाको विषयमा थप अनुसन्धान भइरहेको छ ।