१३ मंसिर, धरान । सडकमा बन्दकर्ता देखिएका छैनन् तर मुख्य सडकका पसलहरु सबै बन्द छन् ।भारतीय नाकाबन्दीको विरोधमा नेत्रविक्रम चन्द्र (विप्लव) नेतृत्वको माओवादीले गरेको नेपाल बन्दले धरान बजार सुनसान बनेको छ ।
आज विहानै पहाडतर्फ हिडेका तीन मालबाहक ट्रक र दूध बोक्ने गाडीको केही व्यक्ति आएर बन्दकर्ता हौं भन्दै चाबी खोसेपछि गाडीहरु भानुचोकमा अलपत्र परेका छन् । भानुचोकमा बन्दकर्ताले राखेको एउटा झण्डामात्र देखिन्छ । वरिपरि कुनै बन्दकर्ता नभएपनि सडकमा मोटरसाइकल मात्र चलिरहेका छन् ।
