काठमाडौँ — काठमाडौंको गोठाटारस्थित जम्बु डाँडामा गोली चल्दा एक जना घाइते भएका छन् । काठमाडौं प्रहरी परिसरका प्रवक्ता एसपी दिनेश मैनालीका अनुसार उक्त स्थानमा प्रहरीको टोली पुगिसकेको छ ।  गोली चलेपछि उक्त स्थानमा पुगेर प्रहरीले अनुसन्धान सुरु गरेको जनाएको छ । गोली प्रहारको कारण भने खुलिसकेको छैन । स्थानीयहरूले भने उक्त स्थानमा तीन राउन्ड गोली चलेको दाबी गरेका छन् । घटनापछि उक्त स्थानमा स्थानीयहरूको भीड नै लागेको थियो । अहिले प्रहरी टोलीले घटनास्थलको भीड तितरबितर पार्दै घटनाबारे विवरण लिइरहेको जनाएको छ ।

६० बर्ष देखि मेसिनमा बन्द भएर कानुनको बिषय पढेर उनले किताब लेखे.
संसारमा यस्ता धेरै मान्छे छन् जसले खराब परिस्थितिसँग हार मानेनन् आफ्नो सपनाको लागि संघर्ष गरे र उनले जित पनि हाँसिल गरे।
यस्ता ब्यक्तिहरुले संसारमा धेरै उदाहरण पेश गरेका छन् ति मध्य एक हुन “The man in iron luge” नामले प्रख्यात paul alexander जो ६० बर्षदेखी मेसिनमा थुनिएका छन् ।

यो मेसिनमा हरेक एक-एक सासको लागि संघर्ष गर्दै गर्दा पलले आफ्नो कानुनको बिषय मात्र पढेनन उनले एउटा कानुनको किताब पनि लेखिदिए…

पललाई १९५२ देखि सास फेर्न समस्या भइरहेको छ, सास फेर्न आइरन लंग (मेसिन फोक्सो)को सहारा लिनु परिरहेको छ। यसै मेसिनमा सुति-सुति उनले आफ्नो पढाइ पूरा गर्न र किताब लेख्नमा सफ़ल भए।

यस्तो परिस्थितिमा पनि हार नमानेको भन्दै सामाजिक संजालमा उनको प्रशंसा भइरहेको छ भने केही ब्यक्तिले उनिबाट प्रेरणा लिइरहेका छन् ।

काठमाडौं : सरकारले डेंगु रोग सार्ने लामखुट्टेको ‘लार्भा खोज र नष्ट गर’ को अभियानलाई तीव्र बनाउने भएको छ। स्वास्थ्य, खानेपानी, संघीय मामिला तथा सामान्य प्रशासन मन्त्रालय, प्रधानमन्त्री तथा मन्त्रिपरिषद्को कार्यालयका सचिव एवम् अन्य उच्चपदस्थ पदाधिकारीहरुको उपस्थितिमा नेपालमा हाल देखिएको डेंगु रोगको प्रकोपको प्रतिकार्य, नियन्त्रण तथा रोकथामसम्बन्धी विषयमा छलफल गर्न उच्चस्तरीय बैठक बसेको थियो। बैठकले रोग रोकथाम तथा नियन्त्रणका लागि यथाशिघ्र मोबाइल रिङ्गटोन बनाई प्रचार प्रसार गर्ने व्यवस्था मिलाउने निर्णय गरेको छ।  रोगको पहिचान तथा उपचारमा कमी हुन नदिन आवश्यक व्यवस्था मिलाउने निर्णय भएको स्वास्थ्य तथा जनसंख्या मन्त्रालयका प्रवक्ता डा. सञ्जयकुमार ठाकुरले जानकारी दिए।

दिउँसो अविरल वर्षाको क्रममा पिपलचौरस्थित छेपारे सामुदायिक वनको भवनमाथि पहिरो खस्दा भवनभित्र ओत लाग्न बसेका आमा–छोरीलाई सो पहिरोले किचेर मृत्युु भएको हो ।

रुकुम पश्चिममा एक सामुदायिक भवन भत्किदा आमाछोरीको मृत्यु भएको छ । रुकुम आठबिसकोट नगरपालिका १४ को पिपलचौरमा पहिरोले सामुदायिक भवन भत्काउँदा जाजरकोटको नौगाड नगरपालिका १ की ३२ वर्षीया बालमती राना र उनकी छोरी २ वर्षीया प्रतिक्षा रानाको मृत्यु भएको जिल्ला प्रहरी कार्यालयका प्रहरी नीरिक्षक राजिव श्रेष्ठले जानकारी दिए ।

सँगै रहेकी बालमतीकी अर्की छोरी ७ वर्षीया तिर्सना राना घाइते भएकी छिन् । भवन भत्किँदा घाइते भएका तीनै जनालाई प्रहरीले उद्धार गरी जाजरकोटस्थित जिल्ला अस्पतालमा लगेको थियो । त्यस क्रममा जाजरकोट जिल्ला अस्पतालका चिकित्सकले घाइतेमध्ये बालमती र उनकी छोरी प्रतिक्षाको मृत्यु भएको घोषणा गरेका थिए ।

भक्तपुरमा आइतबार दिउँसो एउटा रूख ढल्दा बस र स्कुटर किचिएका छन्। काठमाडौंबाट भक्तपुरको दूधपाटी जाँदै गरेको बा २ ख ३५८४ नम्बरको यात्रुबहाक बस र स्कुटरलाई रुख ढलेर किच्दा यात्रारत कम्तिमा १३ जना घाइते भएका छन् । १३ मध्ये २ जनाको व्यवस्था गम्भीर छ । भक्तपुरका डिएसपी राजु पाण्डेका अनुसार घाइतेहरुलाई भक्तपुर अस्पताल, डा इवामुरा मेमोरियल अस्पताल, मध्यपुर अस्पताल र भक्तपुर इन्टरनेसनल अस्पतालमा उपचारका लागि लगिएको छ । रूख ढलेर बस र स्कुटर किच्दा १५ जना घाइते भएको जिल्ला प्रहरी परिसर भक्तपुरका प्रहरी नायब उपरीक्षक राजु पाण्डेले जानकारी दिए।  घाइतेहरूलाई विभिन्न अस्पतालमा उपचारका लागि पठाइएको छ। रूख कसरी ढल्यो भन्ने विस्तृत विवरण आउन बाँकी छ।