लिखित सन्देश

बकिङ्गम दरबारले जारी गरेको लिखित सन्देशमा राजाले भनेका छन्, “पछिल्ला दश दिनमा म र मेरी श्रीमतीले यो देश र विश्वभरिबाट प्राप्त गरेका धेरै समवेदना र समर्थनका सन्देशहरूले हामीलाई गहिरो रूपमा छोएको छ।”लन्डन, एडिनबरा, हिल्सब्रो र कार्डिफमा जसले मेरी प्यारी आमा स्वर्गीय महारानीको जीवनभरिको सेवाका लागि आएर श्रद्धाञ्जली दिने कष्ट उठाए त्यसमा हामी सबैजनाले असीमित कुरा पायौँ।”हामी सबैले हाम्रो अन्तिम बिदाइको तयारी गर्दा म यो अवसरलाई उपयोग गर्दै ती सबै अनगिन्ती व्यक्तिहरूलाई धन्यवाद भन्न चाहन्छु जसले मेरो परिवार र मलाई यस दुःखको घडीमा यस्तो सहयोग र सान्त्वना दिएका छन्।”उनको अन्तिम संस्कारको पूर्वसन्ध्यामा बकिङ्गम दरबारले महारानीको हालसम्म नदेखिएको तस्बिर पनि जारी गरेको छ। गत मे महिनामा महारानीको हिरक महोत्सव समारोहअघि रनाल्ड मकेक्नीले लिएको तस्बिरमा महारानी उनको विन्डसर कासलस्थित निवासमा प्रफुल्ल मुद्रामा देखिएकी छन् ।उनले नीलो पोसाक लगाएकी छन्। महारानीले आफूलाई मनपर्ने मोतीको हार, मोतीको झुम्का र उनका पिताले उनलाई दिएका गहनाहरू लगाएकी छन्। राजा चार्ल्सले आइतवार साँझ बकिङ्गम दरबारमा अन्तिम संस्कारमा भाग लिन आएका राष्ट्रप्रमुखका लागि एक समारोहको आयोजना गरे। आइतवार साँझ ८ बजे यूकेभरि राष्ट्रिय शोकका रूपमा मौन धारण गरियो।