निर्वाचन कमिटीले तोकेको रकम बुझाई उम्मेद्वारी दिने अन्तिम मिति डिसेम्बर २७ तारिख बेलुका ८ बजे , दाबीबिरोध तथा उम्मेदवारी फिर्ता अन्तिम मिति डिसेम्बर २८ तारिख बेलुका ८ बजे संम्म रहने छ भने जनवरी १, २०१५ सालको दिउसो १२ बजे देखि ४ बजे संम्म उद्घाटन समारोह र ५ बजे देखि बन्द सत्र सुरु हुनेछ ।
दि पावर न्युज सम्वाद दाता, काठमाडौ – मलेसियामा आयोजित आईसीसी क्रिकेट लीग डिभिजन थ्री प्रतियोगिताको उपाधी जितेको नेपाली राष्ट्रिय क्रिकेट टोली शुक्रबार स्वदेश फर्किएको छ । त्रिभुवन अन्तराष्ट्रिय विमानस्थलमा खेलाडीहरूको भव्य स्वागत गरिएको छ । टोलीको स्वागतको लागि राष्ट्रिय खेलकुद परिषद् सदस्य युवराज लामा, युवा तथा खेलकुद मन्त्रालयका प्रवक्ता चुणामणि पौडेल, क्यानका कार्यवाहक अध्यक्ष श्रीनिवास राणा, उपाध्यक्ष विकास घिमिरे, महासचिव उत्तम कर्माचार्यलगायत पदाधिकारी बिमानस्थमला छन् । राष्ट्रिय झण्डा र फूलमाला सहित विमानस्थल पुगेका क्रिकेट खेलप्रेमीहरुले नेपालमा अन्तराष्ट्रिय स्तरको क्रिकेट स्टेडियम बनाउन माग गर्दै नारा लगाएका थिए । कप्तान पारस खड्काले डिभिजन थ्रीको उपाधी हातमा उचालेर विमानस्थलको मुख्य भवनबाट बाहिरिदै गर्दा खेलप्रेमीहरूको उत्साह बेग्लै देखिन्थ्यो ।
दि पावर न्युज सम्वाद दाता, काठमाडौ – यो क्षेत्रमा एक्स्प्लोर भएका नयाँ रुटहरूले पनि खुम्बुलाई आकर्षणको केन्द्र बनाएको लोन्ली प्लानेटमा उल्लेख छ । आगामी वर्ष २०१५ मा घुम्नका लागि उत्कृष्ट १० क्षेत्रमा खुम्बु परेको छ । सबैभन्दा अग्लो शिखर सगरमाथाका कारण बढी चर्चित हुने गरेको खुम्बु क्षेत्र सूचीको छैटौं नम्बरमा छ । यो क्षेत्रमा एक्स्प्लोर भएका नयाँ रुटहरूले पनि खुम्बुलाई आकर्षणको केन्द्र बनाएको लोन्ली प्लानेटमा उल्लेख छ । खुम्बुभन्दा अगाडि टर्कीको गल्लीपोली, अमेरिकाको ढुङे पर्वतीय राष्ट्रिय निकुञ्ज, बेलायतको टोलेडो, अस्ट्रेलियाको टास्मानिया र नर्वेको नर्वे आर्टिक परेका छन् । नेपाल आउने पर्यटकमा सबैभन्दा बढी जाने क्षेत्रमा पनि खुम्बु पर्छ । खुम्बु क्षेत्रका लागि काठमाडौंबाट दैनिक ६० र मौसमको समय ८० उडान हुने गर्छ । उक्त क्षेत्र पर्यटकीय मौसममा सबैभन्दा बढी भिडभाड हुने क्षेत्र हो ।
काठमाडौँ । बेलायती समाचार संस्था ब्रिटिस ब्रोडकास्टिङ सर्भिस (बिबिसी)को बनाएको संसारभरका सय महिलाको सूचीमा नेपालका जया लुइँटेल र दर्शन कार्की परेका छन् । लुइँटेल पत्रकार र महिला अधिकारकर्मी हुन् भने कार्की द काठमाडौँ पोष्ट दैनिककी विचार पृष्ठ सम्पादक र ब्लगर हुन् । कला, साहित्य, उद्यम राजनीतिजस्ता पेसामार्फत महिला सशक्तीकरणमा महत्वपूर्ण प्रभाव पार्नेलाई विश्वभरिबाट छनोट गरी बिबिसीले प्रत्येक वर्ष सय जना उत्कृष्ट महिलाको सूची सार्वजनिक गर्छ । बिबिसीले आफूले बनाउने समाचार र उठाउने विषयवस्तुमा महिलाको पनि प्रतिनिधित्व र योगदान होस् भनेर २०१३ सालदेखि यस्तो सूची बनाउन सुरु गरेको हो । रासस
चितवन १२ कात्र्तिक । छठ पर्वको आज मूख्य दिन छठ पूजा गरिँदैछ । आज साँझ व्रतालुहरुले नजिकैको नदी, तलाउ, पोखरीमा गएर अस्ताउँदै गरेको सूर्यलाई अर्घ दिने गर्दछन् । आज साँझ छठी मातालाई गहुँ र चामलको पिठोबाट बनेको विभिन्न परिकार चढाउने गरिन्छ । आज रातभरि नदी, तलाउ तथा पोखरीको डिलमा जाग्राम बसेर भोलि बिहान पुनः उदाउँदो सूर्यलाई ती सबै खाद्य वस्तुले अर्घ दिँदै छठ पर्वको समापन गर्ने गरिन्छ । दिनभर उपवास बसेका ब्रतालुहरुले हिजो साँझ पख स्नान गरेपछि कुलदेवता रहेको कोठामा नयाँ चुल्हो बनाएर प्रसाद तयार पारेका छन् । यसअघि हिजो ब्रतालुहरुले दिनभरि उपवास बसेर राति खीर, पुरी लगायतका वस्तुहरु गृह देवता र सूर्य देवतालाई चढाई अरबा अरबाइन अर्थात बिना नुनको खानेकुराहरु खाएका थिए । छठमा गहँुको पीठोबाट बनाइएको ठेकुवा, पुडी, लड्डु, कसार, पञ्चमेर, पञ्चफल, विभिन्न किसिमका गेडागुडी, जटा नरिवल, कागती, अदुवा, सुथनी, उखु, केरालगायतका सामग्रीहरु प्रसादका रुपमा अर्पण गर्ने चलन रहेको छ । दशैं र तिहार जस्तै तराईवासीका लागि छठ पर्वले विशेष महत्व राखेको छ । केही वर्षयता नेपाली भाषी तथा कतिपय मुश्लिम समुदायका नेपालीले पनि छठ पर्व मनाउन शुरु गरेपछि यस पर्वको आकर्षण झनै बढ्दै गएको छ । सत्य, अहिंसा, आरोग्य र समृद्धिको रुपमा मनाइने चार दिने छठ पर्व मिथिलाञ्चलसहित नेपालका विभिन्न भागमा धामिर्क विधिपूर्वक मनाइने गरिन्छ । छठ पर्वको पहिलो दिन ब्रतालुहरुले नुहाएर खाने विधि पूरा गरी छठ पर्वको शुभारम्भ गर्ने गर्दछन् । राष्ट्रपति र प्रधानमन्त्रीको शुभकामना राष्ट्रपति डा रामवरण यादवले छठी माताले संविधान निर्माणमा अग्रसर हुन दलका नेताहरुलाई शक्ति प्रदान गर्ने विश्वास गर्नु भएको छ । छठपर्वको अवसरमा शुभकामना दिँदै राष्ट्रपति यादवले तोकिएको समयमा नयाँ संविधान निर्माण भई देशको सार्वभौमिकता र अक्षुणता कायम रहोस भन्ने कामना रहेको बताउनु भएको छ । त्यस्तै उपराष्ट्रपति परमानन्द झाले पनि छठपर्वको अवसरमा शुभकामना दिँदै तोकिएकै समयमा संविधान जारी गर्नेगरी दलहरुलाई एकजुट हुन यस पर्वले प्रेरणा दिने विश्वास व्यक्त गर्नु भएको छ । प्रधानमन्त्री सुशील कोइरालाले छठ पर्वका उपलक्ष्यमा स्वदेश तथा विदेशमा रहनुभएका समस्त नेपालीमा सुस्वास्थ्य, दीर्घायु, सुख, शान्ति, समृद्धि र उत्तरोत्तर प्रगतिको कामना व्यक्त गर्नु भएको छ । शुभकामना मन्तव्य व्यक्त गर्दै कोइरालाले छुट्टै मूल्यमान्यता र विश्वाससहितको मौलिक संस्कृति बोकेको यस पर्वले सम्पूर्ण नेपालीको बीचमा बन्धुत्व, सद्भाव र हार्दिकता अभिवृद्धि गरी राष्ट्रिय एकतालाई मजबुत बनाउने विश्वास व्यक्त गर्नु भएको छ । नेपाली जनताले छ दशकभन्दा लामो समयदेखि प्रजातन्त्रको स्थापना, पुनःस्थापना र विकासका लागि गरेका आन्दोलनको उपलब्धिका रूपमा प्राप्त संघीयता, लोकतन्त्र, गणतन्त्र र समावेशितालाई संस्थागत गर्न संविधान निर्माणमा हरेक नेपालीले साथ दिनुपर्ने औँल्याउँदै आपसी सहमति, सहकार्य, एकता र मेलमिलापको माध्यमबाट नै ऐतिहासिक जिम्मेवारी पूरा गर्न सकिने बताउनुभयो ।
विश्वको सवैभन्दा ठुलो वैज्ञनिक अनुसन्धान तथा आणविक कम्पनी नासामा अन्तरिक्षमा पठाउनका लागि तयार भएको दुई वटा रकेट विस्फोट भएको छ । अमेरिकी समाचार सस्थॉ सिएनएनका अनुसार ३० सकेण्डको फरकमा २ वटा अन्तरिक्ष यान विस्फोट भएको हो । अमिरिकाको पुर्वीय क्षेत्रको भर्जिनिया कोस्टमा रहेको सो आणविक भट्टीमा भएको विस्फोटबाट कुनै मानवीय क्षति भने नभएको नासालाई उद्धृत गर्दै सिएनएनले आफ्नो अनलाइन सस्करणमा लेखेको छ । २२ हजार केजीको सो अन्तरिक्ष यान विस्फोटको कारण भने नासाले खुलाएको छैन ।
[embedplusvideo height=”400″ width=”650″ editlink=”http://bit.ly/1ti4JLC” standard=”http://www.youtube.com/v/NdFu40_aL7w?fs=1″ vars=”ytid=NdFu40_aL7w&width=450&height=400&start=&stop=&rs=w&hd=0&autoplay=0&react=1&chapters=¬es=” id=”ep7873″ /]
भारतीय प्रधानमन्त्री नरेन्द्र मोदी सिमानाकाबाट आउदो मंसिर १० र ११ गते हुने १८ औं सार्क शिखर सम्मेलनमा भाग लिन गाडी चढेर नेपाल आउने भएका छन् । मोदी गाडी चढेरै नेपाल आउने सुचना पाएपछि बिर्तामोड जनकपुर सडक खण्डमा पिच गर्ने काम धमाधम थालिएको छ । पटनाबाट स्थलमार्ग हुँदै भारतीय प्रधानमन्त्री मोदी नेपाल प्रवेश गर्ने बताईएको छ । मोदी दक्षिण एसियाली क्षेत्रीय सहयोग सङ्गठन सार्कको बैठकमा आउँदा सडकमार्गबाट आउने भएपछि व्यवस्थापिका–संसद्अन्तर्गतको विकास समितिले समेत उक्त सडकखण्ड तत्काल मर्मतसम्भार गर्न भौतिक पूर्वाधार तथा यातायात व्यवस्था मन्त्रालयलाई निर्देशन दिएको छ ।
पटनाबाट ४ घण्टामा यहाँ सिमा नाका आइपुगिन्छ । जिल्ला विकास समितिले समेत सडक स्तरोन्नती र सरसफाइनको लागि विशेष पहल थालेको छ । तिन महिना अघिमात्र नेपाल आउँदा जनकपुर रामजानकी मन्दिरमा सार्क सम्मेलनमा आउँदा जाने बताएपछि यस क्षेत्रमा विशेष चहल पहल सुरु भएको छ । भारत पटनाबाट जनकपुरसम्म स्थलमार्गबाट आएर मोदी जनकपुरधाममा रामजानकी मन्दिरको दर्शन गरेर हवाई मार्ग भएर काठमाडौं जाने बताइएको छ । यसबारेमा भारतीय दुतावासले भने अझैसम्म केही बताएको छैन । परराष्ट मन्त्रालयले भने यसबारेमा कुनै आधिकारीक जानकारी नआएको बताएको छ ।
बिकास न्यौपाने, अमेरिका, बिगत केहि दिन देखि आगामी डिसेम्बरमा ६ दिन अध्यारो हुने भनेर चलाईएको हल्ला भ्रामक मात्र भएको नासाले जनाएको छ । नासाका अनुसार डिसेम्बरको १६ देखि २२ सम्म लगातार रुपमा अन्धकार हुने हल्ला मात्र हो । बिगत केहि दिन देखि डिसेम्बरमा लगातार ६ दिन अन्धकार हुने भनेर बिभिन्न सन्चार माध्यम तथा सामाजिक सन्जालमा चर्चाको बिषय बनेको थियो । पटक पटक बिभिन्न भ्रामक समाचार फैलाउने एउटा अंग्रेजी अनलाईनमा यो समाचार प्रकाशनमा आए पछि सामाजिक सन्जालमा फैलिएको हो । नासाले बिज्ञप्ती जारी गरेर गलत र भ्रामक समाचारका पछाडि नलाग्न आग्रह गरेको छ ।
व्यंग्यात्मक समाचार प्रस्तुत गर्ने एउटा वेवसाइट हजलर डटकमले यस्तो समाचार प्रकाशित गरेपछि त्यसलाई विश्वास गरेर फेसबुक र ट्वीटरमा हल्लीखल्ली नै मच्चिएको छ । सौर्यमण्डलमा आउने आँधीका कारण पूर्ण रुपमा अन्धकार हुने भन्दै नासाका प्रमुख चाल्र्स बोल्डेनलाई हवाला दिएर समाचार प्रकाशन गरिएपनि नासाका प्रमुखले त्यस्तो अभिव्यक्ति नदिएको खुल्न आएको छ । हजलर डटकमले यस अगाडि पनि एकजना मृत अमेरिकन कलाकारले आफू जीवित रहेको दावी गरेको नक्कली रिपोर्ट प्रकाशित गरेको थियो ।
काठमाडौं, १० कात्तिक । पूर्वराजा ज्ञानेन्द्रका परिवारले पूर्वयुवराज पारस शाहलाई नेपालमा नल्याई थाइल्यान्डको राजधानी बैंकको पुनःस्थापना केन्द्र (सुधार गृह) मा राख्ने गृहकार्य अघि बढाएको छ ।
थाई अदालतमा १० लाख भाट धरौटी राखी केही दिनअघि मात्र प्रहरी हिरासतबाट मुक्त भएका पारसलाई उपचारका लागि बैंककमै पुनःस्थापना केन्द्रमा राख्ने निष्कर्षमा निर्मल निवास पुगेको हो ।
अवैध लागूऔषध सेवन गरेको अभियोगमा गत महिना उनी थाइल्यान्डको रुङखाईमा पक्राउ परेका थिए । नेपालमा ल्याउँदा उनी फेरि दुव्र्यसनमा फस्न सक्ने भएकोले भाइल्यान्डमै पुनःस्थापना केन्द्रमा राख्ने तयारी परिवारले गरेको हो ।
पारसलाई तत्काल नेपाल ल्याउने सोच ज्ञानेन्द्र परिवारले त्यागिसकेको छ । उनलाई भेट्न जाने सोच पनि पूर्वयुवराज्ञी हिमानी र पूर्वराजकुमारी प्रेरणाले त्यागिसकेकी छन् । सुधार केन्द्रमा राखेपछि मात्र हिमानी र प्रेरणा बैंकक जाने भएका छन् ।
यता, पारसकी प्रेमिका अझैसम्म उनको सम्पर्कमा आएकी छैनन् । आफु पक्राउ पर्नुमा प्रेमिकाकै षड्यन्त्र भएको अनुमान पारसले गरेका छन् । प्रेमिकासहित उनको सम्बन्ध पूर्ण रुपमा टुटिसकेको छ । प्रेमिकासँग उनको सम्बन्ध टुटेपछि पारस अब सजिलै नेपाल फर्कने अनुमान परिवारले गरेको छ । आजको राजधानी दैनिकमा खबर छापिएको छ ।