लमजुङ, आश्विन १५ – लमजुडको भोटेओडार-४ पिप्लेमा एकै घरका चार जनाको रहस्यमय हत्या भएको छ । बुधबार विहान घरभित्रै चार जनाको शव भटिएपछि घटनामा संलग्न भएको आशंकामा प्रहरीले घरको जेठो छोरालाई नियन्त्रणमा लिएको छ । ६० वर्षीय अर्जुनप्रसाद रेग्मी, उनको १४ वर्षीया छोरी ज्योति रेग्मी, धर्मछोरी ३५ वर्षीया रिना घिमिरे, १२ वर्षीय नाति विकास रेग्मीको शव भेटिएको छ । रेग्मीका जेठा छोरा राममणि रेग्मीलाई अनुसन्धानका लागि नियन्त्रणमा लिएको प्रहरी नायव उपनिरिक्षक अच्युत पुडासैनीले जानकारी दिए ।
मृतक अर्जुनका भतिज चोलाप्रसाद रेग्मी बुधबार विहान ७ बजेतिर पानी हेर्न गएको बेला सव देखेपछि प्रहरीलाई खबर गरेका थिए । स्थानिय बासिन्दाका अनुसार अर्जुनप्रसादका दुई श्रीमति छन् । कान्छी श्रीमतिको पहिले नै मृत्यु भैसकेको र जेठी श्रीमति छोराछोरीसहित भोटेओडारमा बस्दै आएका थिए ।
घटनास्थलमा डीआइजी बम बहादुर भण्डारीसहित प्रहरीको विषेश टोली आइपुगो छ । डीआइजी भण्डारीले घटनाको घरायसी रिसइवीले घट्ना हुनसक्ने शंका व्यक्त गरे । उनले अनुसन्धान थालिएकोले वास्तविकता छिट्टै बाहिर आउने बताए ।