नेपाल धितोपत्र बोर्डका अध्यक्ष रमेश हमालले आइतबार कार्यभार सम्हालेका छन् । गत बिहीबार बसेको मन्त्रीपरिषदले उनलाई बोर्डको अध्यक्ष नियुक्ति गरेको थियो । शुक्रबार नै अर्थमन्त्री जानर्दन शर्माबाट सपथ लिइ सकेका नवनियुक्त अध्यक्ष हमालले आइतबार कार्यभार सम्हाल्दै ‘बजार सुधारका लागि हदैसम्मको कदम’ चाल्ने बताएका छन् । यर बजारलाई यहासम्म ल्याउनका लागि तपाईहरुको योगदान ‘कन्ट्रिब्युसन’ पनि छ र हाम्रो पनि ‘कन्ट्रिब्युसन’ छ । नेपाल धितोपत्र बोर्डको टिम हामी सबैको एउटै उद्देश्य हो, नेपालको शेयर बजारलाई बलियो बनाउने, स्वस्थ्य बनाउने र ‘फेयर’ बनाउने हामी सबैको उद्देश्य हो ।  सबभन्दा ठूलो कुरा साना लगानीकर्ताहरुलाई मर्का नपरोस । किनकि साना लगानीकर्ता नबचाउने मार्केटमा कहिले पनि राम्रोसँग दीगो विकास हुन सक्दैन् ।

सैदान्तिक रुपमा तपाईहरुलाई शेयर बजारका बारेमा थाहा नै छ । ‘फिलोसोपी’ को कुरा गर्दा हामी कहाँ (नेपाल धितोपत्र बोर्ड)मा भएका कर्मचारीहरु २० औं वर्षदेखि यहा हुनु हुन्छ । यो बजारलाई कसरी हेल्दी रुपमा ‘ग्रो’ गर्ने, यसमा ‘फेयरनेस’ होस, ‘टान्सपरेन्सी (पारदर्शी) होस । यसमा एउटै किसिमको ‘रियालिष्टि’ रुपले हेरियोस र नियमन निकाय साच्ची नै नियमन निकाय नै होस । कसैलाई पनि अन्याय हुन नपाओस । – नवनियुक्त अध्यक्ष हमाल

 दुई महिना लगातार घटेको शेयर बजारले गएको पाँच दिनमै आधाजसाे रिकभर गरेको छ। दुई महिनामा २१.५०% घटेको बजार पाँच दिनमा ९.५५% फर्कियो । गएको पाँच दिनमै बजारले ९.५० प्रतिशतको वृद्धि कायम गरेको छ।  गत भदौ २ गते उच्चतम बिन्दु कायम गरेको बजार गत कार्तिक २ गतेसम्म लगातार घट्दो क्रममा देखिएको थियो। उच्चतम बिन्दु ३१९९.०३ अंक छोएर घटेको बजार २५११.१० अंकसम्म ओर्लिएको थियो। लामो समय लगातार घटेको बजारले छोटो समयमै बाउन्स व्याक गरेपछि लगानीकर्ता उत्साहित देखिएका छन्।

गएको दुई महिनामा बजारले उच्चतम बिन्दुबाट ६८७.९७ अंक गुमाइसकेको थियो। जुन २१.५० प्रतिशत थियो। तर गएको पाँच कारोबार दिनमै बजारले २३९.९७ अंकको वृद्धि कायम गरेको छ। जुन ९.५५ प्रतिशतको वृद्धि हो।बजार जसरी घटेको थियो ।  जुन सर्वाधिक कारोबार रकमको रेकर्डको तुलनामा ९३ प्रतिशत कम हो। कारोबार रकम समेत बढ्दै गएको छ। गएको दुई कारोबार दिनमा बजारमा कारोबार रकम समेत ह्वात्तै बढेको छ। दुई देखि साढे दुई अर्बको हाराहारीमा कारोबार हुँदै आएको बजारमा सोमबार कारोबार रकम बढेर चार अर्ब नाघेको थियो। सोमबारको तुलनामा थप रकम वृद्धि हुँदै मंगलबार कारोबार रकम ६ अर्ब २४ करोड माथि उक्लिएको छ। कारोबार रकम खुम्चिएर एक अर्ब ४० करोडमा झरेको तुलनामा मंगलबार कारोबार रकम ३४३ प्रतिशतले बढेको छ। जति जति बजार बढ्दै जाने छ। त्यति त्यति बजारमा घुम्ने पैसा थप बढ्दै जाने छ। जसले कारोबार रकम समेत बढाउन टेवा पुर्‍याउने छ। बुधवार शेयर बजार पुनः बढेमा कारोबार रकम समेत थप बढ्ने बाँस्तोलाको भनाई छ।

दुई महिना देखि शेयर बजार घट्दो लयमा थियो। बजार सर्ट टर्म बियरिस नै भई सकेको थियो। गएको एक महिना यता कुनै दिन शेयर किन्ने पनि नाफामा गएका थिएनन्। जसले गर्दा सर्ट टर्म कारोबारी हात बाँधेर बसेका थिए। किनकि कसैले पनि बजारमा नाफा कमाउने स्थिति थिएन। उनीहरूले कारोबार बन्द गरिदिएपछि कारोबार रकम समेत सुस्ताउँदै गएको थियो। तर गएको तीन दिन देखि बजारमा थोरै आश गर्ने ठाउँ देखिन थालेको छ। केही लगानीकर्ता थोरै नाफामा समेत जान थालेका छन्।

 नवनियुक्त अर्थमन्त्री जनार्दन शर्माले शेयर बजारलाई सर्वसाधारण अनुकुल बनाइने बताएका छन्। वार्षिक करिब १४ अर्ब राजस्व उठ्ने क्षेत्र शेयर बजार पनि रहेकोले यस क्षेत्रमा रहेका समस्या सामाधान गर्दै सर्वसाधारणकाे हित हुने गरी विकास गरिने  शर्माले बताएका छन्।  शर्माले  पत्रकारहरुसँगको भेटघाट कार्यक्रममा यस्तो बताएका हुन्। शेयर बजारमा के कस्ता समस्या छन् तीनलाई सामाधान गर्दै सर्वसाधारण अनुकुल बनाइने बताएका हुन्।

आज बजार खुलेको करिब डेढ घण्टासम्म उकालो लागिरहेको नेप्से सर्वोच्च अदालतको फैसलापछि नेप्सेमा तिव्र उतारचढाव देखिएको छ।आइतबार करिब ७५ अंकले बढेको नेप्से सोमबार नेप्से परिसूचक ४५.१२ अंक घटेर २८५४.७० विन्दुमा झरेको छ । सर्वोच्च अदालतले प्रधानमन्त्री केपी शर्मा ओलिको सिफारिसमा राष्ट्रपति विद्यादेवी भण्डारीले गरेको प्रतिनिधि सभा विघटनलाई बदर गरी संसद पुनःस्थापना गर्ने आदेश दिएसँगै यस दिन बजार ओरालो लागेको छ। तर २८ घण्टाभित्र शेर बहादुर देउवालाई प्रधानमन्त्री बनाउन आदेश जारी गरेको समाचारले बजारमा तिव्र उतारचढाव देखिएको छ। सूचक ओरालो लागेपनि यस दिन कारोबार रकममा भने सुधार देखिएको छ। सोमबार बजारमा २२९ कम्पनीको ९२ हजार १९२ पटकको कारोबारमा ९ अर्ब ९८ करोड २६ हजार रुपैयाँ बराबरको २ करोड ६० लाख २१ हजार कित्ता शेयर खरिदबिक्री भएको छ।