द पावर न्युज डट कम ९८४१५२४१८७
मुस्ताङ जोमसोमदेखि पोखराका लागि छुटेको ना ७ ख ७४४० नम्बरको बस कालीगण्डकी नदीमा खसेको छ।बस दुर्घटना भइ कालीगण्डकीमा खस्दा १७ जना घाइते भएको जिल्ला प्रहरी कार्यालय मुस्ताङकाले जानकारी दिएको छ।
बस करिब ४५ मिटर तल खसेको हो । घाइते मध्ये २ जनाको अवस्था गम्भीर रहेको र घाइते भएका ११ जनालाई थप उपचारका लागि पोखरा पठाइएको जिल्ला प्रहरी कार्यालय मुस्ताङकाले जानकारी दिएको छ।
तनहुँको बन्दीपुरमा बा४ख ५९८८ नम्बरको बस दुर्घटना हुँदा १९ जना घाइते भएको छ । घाइते मध्ये २ जनाको अवस्था गम्भीर छ । १ जनालाई थप उपचारका लागि पोखरा पठाइएको प्रहरीले जानकारी दिएको छ । अन्य १८ जना घाइतेको लक्ष्मी अस्पताल डुम्रेमा नै उपचार भैरहेको छ । चितवनको नारायणगढबाट बाग्लुङ जाँदै गरेको बा४ख ५९८८ नम्बरको बस अनियन्त्रित भएर दुर्घटना भएको इलाका प्रहरी कार्यालयले जानकारी दिएको छ ।
दाङ: दाङमा भएको बस दुर्घटनामा अहिलेसम्म २३ जनाको मृत्यु भइसकेको छ भने १४ जनाकै अवस्था गम्भीर रहेको छ । गम्भीर घाइते सबैलाई हेलिकप्टरबाट आज काठमाडौं लगिएको छ । मृतक सबैको सनाखत भएको छ । दाङ तुलसीपुर उपमहानगरपालिका वडा नंं. ३ राम्रीमा बस दुर्घटना भएको प्रति दुःख ब्यक्त गर्दै तुलसीपुर उपमहानगर शिक्षा महाशाखाले भोलि आइतबार तुलसीपुरका सबै बिद्यालय बन्द गर्ने निर्णय गरेको छ ।
दाङको तुलसीपुरमा बा ४ ख ९७६६ नम्बरको विद्यार्थी बोकेको बस दुर्घटनामा पर्दा १० विद्यार्थीको मृत्यु भएको छ । त्यस बसमा कृष्णसेन प्राविधिक शिक्षालयका विद्यार्थी सवार थिए । सल्यानको कपुरकोटस्थित मुलपानी वनस्पति उद्यानको अवलोकन भ्रमण गरेर फर्किएका बस सडकभन्दा ६/७ सय मिटर तल खसेकाे प्रहरीले जनाएकाे छ । घाइतेहरुलाई उपचारका लागि राप्ती अञ्चल अस्पताल लगिएकाे छ ।
भारतको कर्नाटकमा एउटा सार्बजनिक यात्रुबाहक बस सडकबाट चिप्लिएर नहरको तालमा खस्दा २८ जनाको मृत्यु भएको छ । दुर्घटना अत्यधिक तीब्र गतिका कारण गति नियन्त्रण हुन नसक्दा भएको प्रहरीले जनाएको छ । घटना भएको केही समयपछि भारतीय उद्धारकर्मी तथा तालिमप्राप्त गोताखोर पनि उद्धारमा पुगेको छ । मृतकमध्ये केही छात्रछात्रा पनि रहेका छन् । घटनाको बारेमा थप अनुसन्धान हुदैछ ।
तनहुँको आबुखैरेनी गाउँपालिका-२ नारीघाटमा बस दुर्घटना हुदाँ २० भन्दा बढी यात्रु घाइते भएको छ । बेशिशहरबाट मुग्लिङतर्फ जादै गरेको ना ४ ख ७८४१ नम्वरको मिनिबस सडकभन्दा करिव १५ मिटर तल खसेको जिल्ला प्रहरी कार्यालय तनहुँले जनाएको छ । घाइतेहरुको तनहुँको छिम्केश्वरी अस्पतालमा उपचार भइरहेको छ ।
सिन्धुलीको सुनकोशी गाउँपालिका ५ मूलकोटमा बस सडकबाट ५ सय मिटर तल सुनकोशी नदीमा खस्दा ३ जनाको मृत्यु भएको छ । घाइतेहरुले दुर्घटनाको कारण चालक भन्दा पनि काठमाडौबाट पूर्व जादै गरेको एउटा मोटरसाइकल दोषी रहेको बताएका छन् ।दुर्घटनामा बस चालक सिन्धुली मरिण गाउँपालिका ७ का २८ वर्षका राजकुमार लामाको पनि मृत्यु भएको छ । प्रहरीका अनुसार ४ जना घाइतेको धुलिखेलस्थित धुलिखेल सामुदायिक अस्पतालमा उपचार भइरहेको छ ।
भकुण्डेबाट बनेपातर्फ आउँदै गरेको बा ३ ख ८१५५ नम्बरको बस अनियन्त्रित भई पल्टिँदा २८ जना यात्रु घाइते भएका छन् । बसमा ४० जना सवार रहेका प्रहरीले जनाएको छ । घाइतेको धुलिखेल अस्पतालमा उपचार भइरहेको छ । घाइतेमध्ये दुई जनाको अवस्था गम्भीर रहेको प्रहरीले जनाएको छ ।
५ वैशाख, काठमाडौं । दिक्तेलबाट काठमाडौँ हिँडेको बा२ख ६३७६ नंको बस दुर्घटनामा ३१ जना घाइते भएका छन् । दुर्घटनाका मृतक र घाइतेले लगाएको गहना तथा बोकेको नगद फेला नपरेको मृतकका आफन्तले बताएका छन् । खोटाङको बर्खेटारमा भएको बस दुर्घटनामा ज्यान गुमाउने तथा घाइतेका आफन्तले मृतकको साथमा रहेको नगद, गहना र सामान नपाएको भन्दै आक्रोश पोखेका छन् । महादेवस्थान-१ स्थित बर्खेटारमा २४ जनाको ज्यान जाने गरी मङ्गलबार भएको बस दुर्घटनाका मृतकले लगाएको सुनको औँठी, सिक्रीलगायत यात्राका क्रममा बोकिएको नगद नपाएको भन्दै मृतकका आफन्तले आक्रोश पोखेका छन् । आजको अन्नपूर्णमा समाचार छ । घाइतेले बोकेको झोलासमेत आफन्तले पाएका छेनन् । तनवटा झोलासहित सरसामान बोकेर यात्रा गरेका घाइते तथा मृतकका परिवारले एउटा पनि झोला नपाएको दुखेसो पोखेका छन् ।
