दि पावर न्यूज सम्वाद दाता, सिन्धुपाल्चोक – सिन्धुपाल्चोकको राम्चेबाट झरेको भीषण पहिरोले सुनकोशी नदी थुनेर बनेको शनिवार राती ३ बजेतिर फुटेको छ । ताल फुटेपछि नेपाली सेनाको एक्जाभेटर बगाएको छ । एक्जाभेटर बनसाँघु स्कुलमुनि भेटिएको छ । तालको पानी एक्कासी बेगका साथ निस्किएपछि अरनिको राजमार्गमा पनि क्षति पुगेको छ । अहिले यातायात आवागमन रोकिएको छ । तालको पानी घटेपछि डुवानमा परेका माथिल्लो क्षेत्रका केही घरहरु देखिएका छन् । करीव ४० मिटर गहिरो ताल शुरुमा १८ मिटर घटेको थियो भने अहिलेसम्म लगभग ताल क्लियर हुन लागेको प्रहरीले जनाएको छ ।
तस्वीरः कपिल धितालको ट्वीटरबाट
ज्योतिषीले मुण्डाको भाग्य राम्रो नभएको र उनले मानिससँग विवाह गरेमा घर परिवारलाई राम्रो नहुने भविष्यबाणी गरेपछि गाउँका बुढापाकाले भेला नै आयोजना गरेर उनको कुकुरसँग विवाह गरिदिएका हुन् । 
बेहुलीको भेषमा रहेको मुण्डाले यो विवाहबाट आफू खुसी नभएको बताईन् । तर गाउँका सबैले कर गरेपछि विवाह गर्नु परेको उनले बताईन् । ‘मैंले एक दिन पुरुषसँग विवाह गर्ने छु’ उनले भनिन् ‘हरेक युवतीले एक राजकुमारसँग विवाह गर्ने सपना देखेका हुन्छन्, म मेरो राजकुमारलाई पर्खिरहेको छु ।’ 
गाउँलेले कुकुरसँगको विवाहले उनको भाग्य राम्रो हुने तर जीवनमा कुनै असर नपर्ने बताएका छन् । कुकुरसँग विवाह गरेपछि अब उनलाई अरु पुरुषसँग विवाह गर्न छुट भएको गाउँलेले बताए । भारतका ग्रामीण क्षेत्रमा अशिक्षाका कारण यस्ता कुरीति र रुढिवादी कुरामा विश्वास गर्ने धेरै छन् । मुण्डा पनि त्यही रुढिवादीको मारमा परेर कुकुरसँग विवाह गर्न बाध्य भएकी हुन् ।
