पोखरा, भाद्र १४ -लमजुङ घर भई पोखरामा बस्दै आएकी २० वर्षीय अबिबाहित बलात्कारमा परेकी हुन । प्रहरीका अनुसार ८ युवाले बाटोमा हिडिरहेकी युवतीलाई नियन्त्रणमा लिएर पोखरासँगैको काहुँ, २ कुसुन्डे भन्ने ठाउँमा लगेर बिहीबार साँझ आठ बजेतिर बलात्कार गरेका थिए ।
बलात्कार आरोपमा प्रहरीले पोखरा, १३ अन्नपुर्ण टोलका लेखबहादुर गुरुङ र किरण श्रीस मगरलाइ पक्राउ गरेको छ । दुवैजनाले घटना स्विकार गरेका छन । अन्य आरोपित फरार छन । आरोपित युवा फरार भएकाले प्रहरीले घटनाबारे २ दिनपछिमात्रै सार्वजनिक गरेको हो । घटनामा प्रयोग भएको एक मोटरसाईकल पनि बरामद भएको छ । प्रहरी श्रोतका अनुसार एउटै गाउँ भएकाले पीडित युवती र केही युवाबीच पहिल्यै चिनजान रहेको छ । घटनामा संलग्न केही युवा लमजुङ घर भई पोखरामा बस्दै आएका हुन ।
