विकास राज न्यौपाने, अमेरिका, । डालस एभरेष्ट लायन्स क्लबको आयोजनामा नेपाली समाज टेक्सास सँगको सहकार्यमा गत अक्टोबर ५ का दिन नेपाली हास्य जगतका सम्राट मानिने मदन कृष्ण श्रेष्ठ र हरिबँश आचार्यको जोडीको साथमा भव्य कार्यक्रमको आयोजना गरियो । उक्त कार्यक्रम टेक्सास राज्यमा नै अभूतपूर्ब रहेको बताउनु भयो कार्यक्रम सभापति प्रकाश गौतम ले ।
१७५० सिट क्षमता भएको उक्त हलमा क्षमता भन्दा बढी दर्शकहरुको सहभागी थियो । कार्यक्रमको इभेन्ट संयोजन गर्दै आउनु भएका प्रा. प्रभात दीक्षित तथा क्लबका पूर्व अधक्ष्य महेन्द्र पौडेलका अनुसार पुरै टिकट बिक्री भएको थियो । उक्त कार्यक्रममा झन्डै २० हजार डलर भन्दा बढी आर्थिक रकम मुनाफा भएको कुरा कार्यक्रम आयोजकहरुले मिडियालाई बताउनु भयो ।
‘मह साँझ’ कार्यक्रममा मदन कृष्ण श्रेष्ठ तथा हरिबँश आचार्यसँग नेपालका उच्च कोटीका कलाकारहरू बसुन्धरा भुसाल, किरण के सी, मोहित आचार्य, शिवहरी पौडेल, यमन श्रेष्ठको प्रस्तुति रहेको थियो । कार्यक्रममा अतिथि कलाकारहरुको प्रस्तुतिको फोटो खिच्न तथा भिडियो रेकर्ड गर्न प्रतिबन्ध लगाइएको जानकारी सञ्चालक रवि लामिछानेले गराउनु भएको थियो ।
डालस एभरेष्ट लायन्स क्लबका सचिव बि यन पन्तले औपचारिक कार्यक्रम सन्चालन गर्नु भएको थियो । उक्त कार्यक्रमको अन्तमा क्लबका अधक्ष्य खेम राज बास्तोलाले सम्पूर्ण दर्सकहरुलाई धन्यवाद तथा कलाकारहरुलाई सम्मान पत्र सहित धन्यवाद दिनु भएको थियो ।
त्यसै गरी अक्टोबर ६ का दिन बिहान युनिभर्सिटी ऑफ टेक्सास नेपाली विद्यार्थी समूहले ‘मह सँग अन्तरकृया’ कार्यक्रमको आयोजना गर्यो । उक्त कार्यक्रममा १२० भन्दा बढीको सङ्ख्यामा नेपाली विद्यार्थीहरू सहभागी भएको थिए । सोही दिउसो मह जोडीलाई नेपाली आध्यात्मिक एवं सास्कृतिक समाजका संयोजक डा.मुरली अधिकारीले नेपालीहरू द्वारा निर्मित आफ्नै १६००० वर्ग क्षेत्रको नेपाली मन्दिर तथा स्कुलको भ्रमण गराउनु भयो । उक्त भवनका मुर्तिहरु देखेपछी हरिबँश आचार्यले पशुपति मन्दिरमा नै गएको अनुभव गर्दै नेपाल बाहिर यस्तो मन्दिर कमै भएको कुरा बताउनु भयो ।
सोही अक्टोबर ६ साँझ नेपाली समाज टेक्सासको आयोजनामा ‘मह सम्मान’ कार्यक्रमको आयोजना गरियो। नेपाली समाज टेक्सासका महासचिव विजयराज भट्टराईले सञ्चालन गर्नु भएको उक्त कार्यक्रम उहाँले नेपाली समाजद्वारा स्थापित उच्च तहको सम्मान ‘पर्पल रिबन अवार्ड’ नेपाली हास्य व्यंगमा मात्र सीमित नभएर सामाजिक परिवर्तनका सम्बाहक बनेका कलाकार द्वय महलाई प्रदान गर्न लागिएको जानकारी गराउनुभयो । उक्त कार्यक्रममामा उप सभापति बाल जोशीले स्वागत तथा सदस्य कृष्ण लामिछानेले समाजका गतिविधि प्रस्तुत गर्नु भएको थियो।
नेपाली समाज टेक्सासका का.बा.अध्यक्ष तारा भुसालको सभापतित्वमा सम्पन्न उक्त कार्यक्रममा समाजका पूर्व अध्यक्षहरु गौरीराज जोशी, राम पोखरेल तथा डा. प्रेमराज अधिकारीले समाजका तर्फबाट नेपाली हास्य विधाका मुर्धन्य कलाकारहरू मदन कृष्ण श्रेष्ठ तथा हरिबंश आचार्यलाई पर्पल रिबन अवार्ड, तथा अन्य कलाकारहरू बशुन्धरा भुसाल, किरण के सी तथा शिबहरि पौडेललाई सम्मान पत्र प्रदान गर्नुभयो ।
नेपाल समाज टेक्सास बासीको चिनो काउ ब्वाइ टोपी मह जोडीलाई तारा भुसालले पहिर्याइ दिनु भयो भने समाजको पिन (लोगो) पूर्व अधक्ष डा. प्रेम अधिकारीले लागाइदिनु भयो
सम्मान समारोहमा बोल्दै मदनकृष्ण श्रेष्ठ र हरिबँश आचार्यले आफुहरु यसरी अमेरिकामा सम्मानित हुन् पाउदा निकै गर्वले छाती फुलेको बताउदै,आफुहरुले
जीवनमा धेरै सम्मान पाए पनि यस उच्च तहको सम्मानलाई अझ उपलो स्थानमा सजाउने बताउनु भयो । दुवै कलाकारहरूले आ-आफ्ना कलाकारिता जीवनका रमाइला तथा स्मरणीय क्षणको अनुभव सुनाउनु भएको थियो । झन्डै ५ मिनेट सम्म उठेर सबै दर्शकहरूले उहाहरुको सम्मानमा ५ मिनेट लगातार ताली बजाउदा उहाहरु को आँखाको खुसीले दर्शकले अपूर्व आनन्दको महसुस गरेका थिए ।
महको टेक्सास अमेरिकामा भव्य सम्मान ! फोटो: विकास राज न्यौपाने,
महको टेक्सास अमेरिकामा भव्य सम्मान ! फोटो: विकास राज न्यौपाने,
महको टेक्सास अमेरिकामा भव्य सम्मान ! फोटो: विकास राज न्यौपाने,
महको टेक्सास अमेरिकामा भव्य सम्मान ! फोटो: विकास राज न्यौपाने,
