टेक्सस, अमेरिका / प्रवासी नेपाली मन्च अमेरिकाको टेक्सास राज्यमा अक्टोबर २६ तारिख आइतबार बसेको मन्च सम्बद्ध सदस्यहरूको भेलाले श्री सुशील क्षेत्रीको संयोजक्त्वमा १९ सदस्ययिय टेक्सास राज्य साधारण सभा आयोजक समितिको गठन गरेको छ । जनवरी १, २०१५ मा साधारण सभा गर्ने गरी विभिन्न विभागहरूको पनि गठन गरिएको छ, जसनुसार सदस्यता नविकरण, वितरण तथा रूपान्तरण विभागको प्रमुखमा श्री चेतनाथ भट्टराई , कार्यालय संयोजन तथा प्रचार प्रसार विभाग प्रमुखमा श्री युबराज खनाल, अतिथि सत्कार विभाग प्रमुखमा सरिता चौलागांई, संघसस्था सम्पर्क विभाग प्रमुखमा जित थापा र भोजन तथा हल व्यवस्थापन विभाग प्रमुखमा श्री सङ्राम सिंह तामाङ् रहनु भएको छ । अक्टोबर २६ तारिख देखि नोवेम्बर २५ तारिख बेलुका ८ बजे संम्म सदस्यता वितरण, नविकरण तथा रूपान्तरण गरिनेछ साथै साधारण सभामा प्रवेश पाउन उक्त मितिभित्र मन्चले तोकेको रकम बुझाई नंबरिङ गरेको रसिद लिनुपर्ने छ। सदस्यता लिनेहरूको लागि सजिलो होस भनेर प्रवासी नेपाली मन्चको कार्यालय ३४०१ कन्फलान्स रोड,अर्विङ टेक्सास ७५०६१ हरेक हप्ताको शनिवार र आइतबार बेलुका ६-८ बजे संम्म खुला राखिने छ भने सदस्यता नामावली प्रकाशन नोवेम्बर २५ तारिख बेलुका ७ बजे, त्यसैगरि नोवेम्बर २५ तारिख देखि डिसेम्बर २५ तारिख संम्म प्रचार प्रसार, निर्वाचन कमिटीको गठन !
निर्वाचन कमिटीले तोकेको रकम बुझाई उम्मेद्वारी दिने अन्तिम मिति डिसेम्बर २७ तारिख बेलुका ८ बजे , दाबीबिरोध तथा उम्मेदवारी फिर्ता अन्तिम मिति डिसेम्बर २८ तारिख बेलुका ८ बजे संम्म रहने छ भने जनवरी १, २०१५ सालको दिउसो १२ बजे देखि ४ बजे संम्म उद्घाटन समारोह र ५ बजे देखि बन्द सत्र सुरु हुनेछ ।
मन्चको यस कार्यक्रम लाई सहयोग गरी सफल बनाउन सम्पूर्ण पत्रकार मित्रहरू, नेपाली दाज्युभाइ दिदिबहिनिहरुमा हार्दिक अनुरोध गरिन्छ । मन्चको उदेस्य सामाजिक, अर्थिक ,सांस्कृतिक र नेपालमा उत्पादनमा लगानी गर्ने रहने छ ।