न्युयोर्क निवासी चर्चित युवा लेखक हुनुहुन्छ राजन थपलिया । उहाँले अहिलेसम्म १० वटा पुस्तकहरु प्रकाशन गरिसक्नु भएको छ भने ११ औं पुस्तक प्रकाशनको तयारीमा छ । सकारात्मक सोंच र आत्मप्रेरक पुस्तकहरु लेख्ने थपलियाको आगामी पुस्तक शतप्रतिशत जीवन अर्थात् हन्ड्रेड पर्सेन्ट लाइफ (100% LIFE) प्रकाशन हुन लागेको सन्दर्भमा गरिएको कुराकानी । –
अहिलेसम्म कतिवटा पुस्तक लेख्नुभयो र लेखनकार्यमा कहिलेदेखि सकृय हुनुहुन्छ ?
अब आउने सेप्टेम्बरमा १५ बर्ष पुरा हुन्छ लेखनमा लागेको । मैले अहिलेसम्म १० वटा पुस्तकहरु लेखिसकेको छु भने ११ औं पुस्तक प्रकाशनको तयारीमा छु । तर अप्रकाशित केही पुस्तकहरु पनि तयारी अवस्थामा छन् ।
तपाईको लेखन केमा केन्द्रीत हुन्छ ?
मेरो लेखन सेल्फ हेल्प, मोटिभेशन र नोभलमा केन्द्रीत रहेको छ । लेखनका विभिन्न धारहरु छन् । तर मैले महसुस गरेको छु कि यी धारहरु नै मेरालागि उपयुक्त छन् । उपन्यास लेखन र सेल्फ हेल्प नै मेरालागि उचित विधा हुन् ।
शतप्रतिशत जीवन (100% LIFE) नामको नयाँ पुस्तक प्रकाशनको तयारीमा हुनुहुन्छ, यो कस्तो पुस्तक हो ?
यसको उपशीर्षकले नै सबै कुरा भनेको छ । आफैसँग प्रतिज्ञा गर्नुहोस्, तपाईको जीवन कहिलेपनि उस्तै रहनेछैन । तपाईले आफ्नो जीवनमा कसम खानुहोस्, प्रतिज्ञा गर्नुहोस् । हिजो जती गल्ती भए, कमजोरी भएपनि आगामी दिनमा राम्रो गर्न सकिन्छ । राम्रो गर्ने प्रतिज्ञा हुनेलाई १७ बर्ष र ७० बर्षको उमेरले पनि कुनै फरक पार्दैन । कुनै पनि बेला राम्रो कुराको सुरुवात गर्न सकिन्छ । काममुखी भएर अगाडि बढेमा जीवनमा धेरै कुरामा परिवर्तन ल्याउन सकिन्छ । आफूले आफैसँग प्रतिज्ञा नगरेको कारणले मानिस अफसल हुनेगर्छ । दुखी भएका र असफल भएकाहरुलाई पनि सही बाटोमा ल्याउने र परिवर्तन हुन चाहनेहरुका लागि लेखिएको पुस्तक हो यो । यो पुस्तक अब केहीसाताभित्र नै प्रकाशित हुनेछ ।
लेख्नका लागि पढ्न कत्तिको जरुरी छ ?
लेख्नका लागि पढ्न एकदमै जरुरी छ । किनभने अरुलाई मोटिभेट गर्ने, इन्करेज गर्ने र नयाँ बाटो देखाउने कुराहरु त्यती सहज छैन । कैयन कुराहरु तथ्यमा आधारित हुनुपर्ने भएकाले मैले आफूले अध्ययन गरेर यो पुस्तक लेखेको छु । मैले चारपाँचसय पुस्तकहरु पढेर, आफ्नो विचार र विश्लेषण समावेश गरेर यो पुस्तक तयार पारेको छु । त्यसैले लेख्नका लागि पढ्न एकदम जरुरी छ ।
अरुलाई सिकाउने लेखकहरुले आफूले चाँही त्यो कुरा कत्तिको अनुशरण गर्छन् ?
एउटा सामान्य लेखकले पनि आफूले सिकेको ज्ञान पाठकहरुसमक्ष बाड्न सकिन्छ । जुन ज्ञानबाट लेखकभन्दा धेरै पाठक सफल हुन सम्भव छ । विश्वविद्यालयमा पढाउनेहरुका शुत्र फ्लो गरेर विद्यार्थीहरु विभिन्न विधामा सफल भइरहेका हुन्छन् तर पढाउनेले पढाईमात्र रहेको हुन्छ । लेखकले आफ्नो जीवनमा लागु गर्न नसकेका कतिपय कुराहरु पाठकले लागु गर्न सक्छन् ।
तपाईका पुस्तकप्रति पाठकको रेस्पोन्स कस्तो छ ?
नेपाली बाहेकका पाठकको निकै राम्रो रेस्पोन्स छ । तर नेपालीहरुले पनि मेरा पुस्तकहरु पढिरहनुभएको छ । नेपाली समाजका विभिन्न व्यक्तिले पढेर प्रतिकृयाहरु दिनुभएको छ । एउटा नेपाली भएको नाताले सबैभन्दा धेरै माया र प्रेरणा नेपालीहरुबाट नै पाएको छु ।
तपाई कतिबेला लेख्नुहुन्छ ?
राती, दिउसो वा विहान भन्ने कुरा हुँदैन । जब कुनै चीजले मलाई शक्ति दिन्छ, म लेख्न तयार हुन्छु । कहिलेकाँही सुत्न बेडमा पुगिसकेपछि पनि उठेर लेख्छु । मान्छेको दिमागमा विचारको सृजना वातावरणले गर्छ । फोहोर स्थानमा जाँदा असहज अनुभव हुन्छ भने सफा स्थानमा गएमा नयाँ विचारहरु आउँछ । संगत गर्दा पनि आफूभन्दा शशक्त व्यक्तित्वसँग गर्दा धेरै कुराहरु सिक्न सकिन्छ ।
अमेरिकामा पुस्तक प्रकाशन कत्तिको सहज छ ?
अमेरिकामा पुस्तक प्रकाशनका धेरै तरिका छन् । आफै प्रकाशन पनि गर्न सकिन्छ भने परम्परागत रुपमा पनि प्रकाशन गर्नसकिन्छ । अहिलेको समयमा प्रकाशन भन्दा धेरै लेखकको ब्राण्ड र लेखिएको विषय हो । कतिपय चर्चित लेखकहरुले पनि आफै प्रकाशन गर्न थालेकय छन् । परम्परागतरुपमा प्रकाशन गर्दा एकबर्षसम्म पनि पर्खनुपर्ने हुनसक्छ । तर अहिले पर्खने जमाना छैन । इबुक बेचेर पनि पैसा कमाउन र ज्ञान बाड्न सकिन्छ । पुस्तक निकाल्न खास गाह्रो छैन ।
दिपक न्यौपाने, काठमाडौ – नेपालको इन्टरनेटको सेवा प्रदान गर्नै उदेश्यले १६ वर्ष अधि स्थापना भएको हिमालयन अनलाइन सर्भिस HONS ले सुलभ रुपमा सेवा प्रदान गर्दै आएको र नेपालमा छैटौ स्थानमा दर्ता भएको आइ एस पी आज सम्म निरन्तर रुपमा सेवा सुचारु गरिरहेको कम्पनीका मेनेजिङ्ग डाईरेक्टर हरिहर भण्डारीले दि पाबर न्युज मिडियालाई जानकारी दिनु भयो ।
हिमालयन अनलाइन सर्भिसको बारेमा गरिएको छोटो कुराकानी
हिमालयन अनलाइन सर्भिस भन्नाले के बुझिन्छ ?
– यो एउटा इन्टरनेट प्रदाय संस्था हो । यसले इन्टरनेट प्रदान गर्ने काम गर्दै आइरहेको छ । अरु भन्दा पृथक रुपमा ग्राहको बिश्वसनियता लिन सफल आइ एस पी भनेर बुझिन्छ ।
कसरी सुरुवात भयो इन्टरनेट सेवा ?
– सुरुमा हामीसंग त्यति क्षमता थिएन प्रबिधीको विकास भएपनि हामीले नेपाल जस्तो देशमा इन्टरनेट बिस्तार गर्नु चुनौति नै थियो । सुरुमा इन्टरनेट महँगो थियो । हुने खानेहरुले मात्र प्रयोगमा ल्याउथे । हामीले एउटा सानो कोठा बाट डायलप प्रबिधिको रुपवाट बिस्तार गरेका थियौ आज धेरैजसो काम इन्टरनेट बिना गर्न कठिन भैसकेको छ । यसको मागपनि बढ्दो छ ।
ग्रामीण क्षेत्रमा सेवा कसरी दि रहनु भएको छ ?
– इन्टरनेट कनेक्सनको लागी हामीले ग्राहक को घरमा एउटा DEVICE राख्छौ त्यसले हाम्रा बिभिन्न स्थानमा रहेका Tower बाट कनेक्सन गर्छ । ग्रमीण क्षेत्रमा बिजुली वक्तिको सुबिधा नपुगेको ठाउमा पनि हाम्रो सेवा सुचारु भैरहेका छन् । घरमा राखेको DEVICE मा १२ Volt को DC करेन्ट दिएपछि DEVICE चालु हुन्छ र Tower संग कनेक्सन गर्छ । हामी २४ सै घण्टा सेवा दिन सक्षम छौ । जस्तो रातामाटे, झागा झोली, दुम्जा यि ठाउँमा वक्तिको सुबिधा नपुगा ठाँउमा हाम्रा सेवा संचालनमा आइरहेका छन् ।
योजना बिस्तार गर्ने क्रममा कस्ता चुनौती आउछन् ?
काठमाडौमा त बिरलै समस्या छैनन् तर गाउँ गाउँमा टावर विस्तार गर्नेक्रममा समस्याहरु आउछन् नै सुरुमा टावर बिस्तार गर्न खर्चिलो छ त्यसपछि टावरको सुरक्षाको बिषय अझ चुनौतिको रुपमा देखा पर्दछ । राज्यले भ्याट काहानेर चुहावट भयो भनेर मात्र हेर्छ तर हाम्रा समस्यालाई त्यति चासो दिदैन ।
सरकारी क्षेत्रबाट कस्तो सहयोगको आबश्यकता महशुस गर्नु हुन्छ ?
संसार छोटो बनाउने प्रबिधि भनेको इन्टरनेट हो । संगसंगै ग्रामीण भेगमा इन्टरनेट पुयाउन महंगो छ सरकारले ग्रामीण कोष लगानी निजी क्षेत्रसंग साझेदारी गर्न, लगानी मैत्री बाताबरण मिलाइ दिएको खण्डमा प्रबिधी बिकास गर्नै हामीलाई पनि सहयोग पुर्ने छ र दुर दराजमा रहेका नेपालीहरुले पनि सुबिधा सुलभ रुपमा पाउन सक्थे ।
अब नयाँ योजना के के छन् ?
हाल नेपालका पूर्वी ३ वटा विकास क्षेत्रमा हाम्रा सेवा बिस्तार भएका छन् । अव संभबत नेपाल भर यो योजना बिस्तार गर्ने क्रममा हामी छौ । योजाना भन्नुपर्दा FTTH अर्थात Fiver to the Home को लक्षमा हामी जान्छौ ।
अन्यमा ग्रहकको लागी कस्तो सुझाव दिनु हुन्छ ?
इन्टरनेट सेवामा हामी सेवा दिन बसेका हौ । ग्रहकको सुबिधाको लागी ग्राहकले समस्या नबुझे जस्तो लाग्छ । धेरै जसो समस्याको रुपमा स्पिड समानान्तर नभएको जस्ता कुरा आउछन् । हामीले दिने स्पिड ग्राहकको माग अनुसार नै छ । तर टेक्नोलोजीको प्रयोगमा राउटरको प्रयोगवाट समस्या हुनसक्छ, सिस्टमको समस्या हुन सक्छ टेक्निकल समस्या थाहै नपाई इन्टरनेट स्पिडको समस्या भनेर स्पिड कम भयो भनेर गुनासो आईरहन्छ । यस्ता कुरा ग्रहकले पनि महशुस गर्नु पर्छ ।
यदा कदा टावरसंग कनेक्सन नभएको अबस्थामा, टावर पड्कने, सिस्टममा आउने ERROR को पुर्ण रुपमा ग्राहकलाई ज्ञान नहुदा समस्या हुन सक्छन् ।
अन्तमा : संघर्षसंगसंगै यहाँ यहाँ सम्म ग्राहकले माया गरिरहनु भएको छ त्यसैले होला हिमालयन अनलाइन सर्भिसले लोक प्रियता पाईरहेको महशुस गरेको छ, धन्यवाद ।
विकास राज न्यौपाने टेक्सास, अमेरिका- नेपाली काँग्रेसका उपसभापति रामचन्द्र पौडेल आज अपरान्ह अमेरिकाको टेक्सास स्थित ड्यालस पुग्नु भएको छ । उपसभापति पौडेलसँगै नेपाली काँग्रेसका युवा नेताद्वय प्रकाश शरण महत र ध्रुब वाग्ले ड्यालस पुगेका छन् । नेपाली जनसम्पर्क समिति अमेरिकाको ड्यालसमा हुन लागेको अधिवेशनमा सहभागी हुन उपसभापति पौडेल पुग्नु भएको हो दिनको ३ बजेर १५ मिनेटमा ड्यालस फोर्टवर्थ पुग्नुभएका उपसभापति पौडलको स्वागतार्थ नेपाली जनसम्पर्क समिति ड्यलास फोर्टवर्थका सभापति ज्ञानेन्द्र राज कार्की, वेस्ट टेक्सासका सभापति हरिबोल भण्डारी, आशन्न अधिवेशनका अध्यक्ष प्रत्यासीहरु गोरख बहादुर विष्ट (आनन्द), कृष्ण लामिछाने, विष्णु सुबेदी लगायत अन्य काँग्रेसका कार्यताहरु विमानस्थलमा पुगेका थिए । काँग्रेसका अन्य सयौँ कार्यकर्ता भने शेराटन होटलमा उपसभापति पौडेलेको स्वागतका निम्ति उपस्थित भएका थिए । नेपाली जनसम्पर्क समिति अमेरिकाको अधिवेशन यही नोभेम्बर २२ र २३ तारिखमा टेक्सासको ड्यालसमा हुँदैछ ।
यसैबीच विभिन्न पदका लागि आकांक्षीहरुले आ आफ्नो उम्मेदवारी घोषणा गर्न थालेका छन् | बुधवार मात्र न्यूयोर्कका सुवास लामा,युटा च्याप्टरका सभापति प्रियरंजन दाहाल,न्यू मेक्सिको च्याप्टरका सभापति देशराज संयोकलगायतले नयाँ नेतृत्वको केन्द्रीय सदस्यका लागि आ आफ्नो उम्मेदवारी घोषणा गरेका छन् | यसैगरी ड्यालस फोर्थ च्याप्टरका पूर्व सभापति ओम भट्टराइले पनि बुधवार नै समितिको सभापति पदका लागि आफ्नो उम्मेदवारी सार्वजनिक गरेका छन् | यसैगरी मुनेंद्र नेम्वाङ्ग र धनन्जयनरसिंह केसीले महसचिवको लागि उम्मेदवारी घोषणा गरेर भोट माग्न थालेका छन् | तर अधिवेशनस्थल टेक्सासमा सहमतिकै आधारमा नयाँ नेतृत्व चयन गर्नुपर्ने र अन्तिममा प्रतिष्पर्धीहरुका बीच सहमति हुनसक्ने सम्भावाना बाँकी नै रहेको भन्ने चर्चा पनि चलेको छ |