बर्दियाको गुलरियाबाट प्रहरीले ५८ किलाे लागूऔषध चरेससहित ५ जनालाई पक्राउ गरेको छ । जिल्ला प्रहरी कार्यालयका अनुसार भन्सार राेडमा चेकजाँचका क्रममा उनीहरूबाट चरेस बरामद भएकाे जनाएकाे छ । भागेका दुई जनाकाे खाेजीका लागि बर्दियाकाे सम्पूर्ण नाकामा चेकजाँच कडा पारिएकाे छ भने जिल्ला प्रवेश गर्ने र बाहिरिने सवारीसाधनकाे समेत चेकजाँच कडा पारिएको जिल्ला प्रहरी कार्यालयले जनाएकाे छ । पक्राउ पर्नेमा दाङ घाेराहीका ३४ वर्षीया राजकुमार पुन मगर, २७ वर्षीया जुनतारा पुन, ३४ वर्षीया सुनथामी बुढामगर, २९ वर्षीया खिमप्रसाद राेक्का मगर र रूकुम उतरगंगा निवासी २६ वर्षीया अस्मिता रामजाली रहेका छन् ।