प्रधानमन्त्री पुष्पकमल दाहाल ‘प्रचण्ड’ ले प्रतिनिधि सभाबाट विश्वासको मत प्राप्त गरेका छन् । २७० सांसद उपस्थित बैठकमा २६८ जना सांसदले प्रधानमन्त्री प्रचण्डको पक्षमा मतदान गर्दा २ जना सांसदले भने विपक्षमा मतदान गरेका छन् ।  प्रधानमन्त्रीलाई २६८ जना सांसदले विश्वासको मत दिएका हुन् । प्रधानमन्त्रीले संविधानको धारा ७६ को उपधारा ४ अनुसार मंगलबार प्रतिनिधि सभाको बैठकमा विश्वासको मत लिएका हुन् । संसदमा विश्वासको मत लिइसकेपछि दुई वर्षसम्म प्रधानमन्त्री प्रचण्डविरूद्ध अविश्वासको प्रस्ताव पेश गर्न नमिल्लने व्यवस्था छ ।