झापाको बुद्धशान्तिमा हात्ती धपाउन लगाइएको विद्युतीय तारबारमा परेर दुई जनाको मृत्यु भएको छ । जिल्ला प्रहरी कार्यालय झापाका अनुसार माछा मार्न जाने क्रममा विद्युतीय करेन्ट प्रवाह भएको तारमा परेर बुद्धशान्ति–४ का १८ वर्षीय अविनाश राई र उनका मामा भोजपुर निवासी ३५ वर्षीय मनिराम राईको मृत्यु भएको जनाएको छ । दुवै जनालाई आज बिहान ७ बजे मृतावस्थामा स्थानीय नवज्योति सामुदायिक वनभित्रको एउटा खोल्सीमा भेटिएको प्रहरीले जनाएको छ ।घटनाको थप अनुसन्धान भइरहेको छ ।