काठमाडौं, मंसिर ः टोखा नगरपालिका २ मा एडभान्स ब्यूटीपार्लर तालिम सुरु भएको छ । टोखा नगरपालिका २ वडा कार्यालयसँगको समन्वयनमा २० जना महिलाहरुलाई एडभान्स तालिम दिन सुरु गरिएको ब्यूटीफ्लाई ब्युटी एकेडेमि एण्ड मेक्अप स्टुडियोकी सहजकर्ता अल्शा श्रेष्ठले जानकारी दिइन् । वडा कार्यालयको लक्षित वर्ग कार्यक्रम अन्तर्गत ४ महिने एडभान्स तालिम सुरु गरिएको छ । तालिमको टोखा नगरपालिका २ वडा कार्यालयका वडाध्यक्ष धर्मेन्द्र श्रेष्ठले उद्घाटन गरेका छन् भने वडाध्यक्ष श्रेष्ठले वडा कार्यालयले गरेको लगानी खेर नजाने गरि तालिममा सिक्न र त्यसलाई व्यवहारिक प्रयोग गर्न आग्रह गर्नुभयो । तालिममा भएकाहरु कतै रोजगारीमा लागे वा स्वरोजगार भएर उनीहरुले व्यवसाय गरेको देख्न पाए मात्रै तालिमले सार्थकता पाउने वडाध्यक्ष धर्मेन्द्र श्रेष्ठले बताउनु भयो ।
आगामी दिनमा यस्ता तालिम दिने कि नदिने भन्ने परिक्षणको क्षणमा रहेको भन्दै अहिलेका तालिमहरु उपलब्धीमुलक भए मात्रै आगामी दिनमा तालिमहरुलाई निरन्तरता दिने उनले प्रष्ट पारे । तालिम उद्घाटन कार्यक्रममा टोखा नगरपालिका(२ का वडासदस्यहरु सदस्य आर्यन डंगोल, अमर डंगोल, सविना श्रेष्ठ, लक्ष्मी हिङमाङ,टोखा नगरपालिका(३ का वडासदस्य हरिभक्त श्रेष्ठ, वडा सचिव सालिकराम गौतम, तालिमको संयोजक ब्यूटीफ्लाई ब्युटी एकेडेमि एण्ड मेक्अप स्टुडियोकी अल्शा श्रेष्ठ, अनिशा श्रेष्ठ तथा सहभागीहरुको उपस्थिती रहेको थियो । 
