पूर्वी नवलपरासीको कावासोतीमा पश्चिमबाट पुर्व तर्फ जाँदै गरेको लु १ ख ८५३२ नं.को ट्रक र विपरित दिशाबाट आउदै गरेको बा २१ च ६४०९ नंम्बरको कार एक आपसमा ठोक्किँदा पाँच जनाको मृत्यु भएको छ । जिल्ला प्रहरी कार्यालय नवलपरासीका अनुसार कारमा सवार पाँचै जनाको उपचारको क्रममा भरतपुर सरकारी अस्पतालमा मृत्यु भएको जनाएको छ । आफन्तहरु भरतपुर अस्पतालमा पुगेपछि पहिचान पुष्टि भएको प्रहरीले बताएको छ । ट्रक र कार प्रहरीको नियन्त्रणमा रहेको छ ।