आसन्न सार्क शिखर सम्मेलनको अवसरमा राजधानीलाई रमझम बनाउने काम तिब्र भइरहेका बेला काठमाडौं मुख्य पर्यटकीय क्षेत्र ठमेल भने कुरुप बन्न थालेको छ । तेस्रो मुलुकबाट नेपाल भ्रमणमा आउने पर्यटकमध्ये करिव ८० प्रतिशत पर्यटक ठमेल पुग्ने गर्छन् । पर्यटकहरुको जमघट हुने ठमेल अन्तर्राष्ट्रिय जगतमा नेपालको पहिचान दिलाउने ठाउँ हो । तर, कुरुप बन्दै गइरहेको ठमेलले नेपालको पहिचान अन्तर्राष्ट्रिय जगतमा कस्तो पुर्‍याउला ? ठमेल पुग्ने पर्यटकले बाटोमा छरिएका तार, भत्केको सडक र अव्यवस्थित होर्डिङ बोर्डभन्दा बढी केही देख्न पाउँदैनन् ।