आज सेयर बजार ५७ अंकले बढेर २१८६.३६ को विन्दुमा उक्लिएको छ। सेयर बजार ५७ अंक बढ्दा आज लगभग ३ दर्जन लघुवित्तमा सकारात्मक सर्किट लागेको छ। २३ वटा लघुवित्तका सेयरमा १० प्रतिशतले बढेको छ। लघुवित्तले ९ प्रतिशतको फराकिलो फड्को मार्यो। माइक्रोफाइनान्सले लिड गरेको बजारमा फाइनान्स र वाणिज्य बैंकका सेयर पनि उत्तिकै बढे। फाइनान्स साढे ४ प्रतिशत र वाणिज्य बैंक ४ प्रतिशत बढ्यो।
असोजदेखि शुक्रबारको सेयर कारोबार बन्द हुने भएको छ ।आइतबार बसेको नेप्से सञ्चालक समितिको बैंठकले सातामा ५ दिन मात्रै सेयर बजार सञ्चालन हुने र शुक्रबार हुँदै आएको कारोबार रोक्ने निर्णय भएको छ ।
सरकारले २०७९ जेठबाट शनिबार र आइतबार दुई दिन सार्वजनिक बिदा दिने निर्णय गरेसँगै जेठभर शुक्रबार नेप्सेमा पुरै समय सेयर कारोबार भएको थियो । तर, असार लागेसँगै सरकारले आइतबारको बिदा हटाएसँगै नेप्सेमा आइतबार पुरै समय र शुक्रबार पनि २ घण्टा कारोबार गर्ने निर्णय गर्दै सोही अनुसार कार्यन्वयनमा गर्यो । तर, तीन महिना नपुग्दै शुक्रबारको सेयर कारोबार बन्द हुने भएको छ।
साताको दोस्रो कारोबार दिन शेयर बजारमा देखिएको पछिल्लो परिस्थितिका सम्बन्धमा अर्थमन्त्री र नेपाल राष्ट्र बैंकका गभर्नर बीच टेलिफोन कुराकानी भएको थियो। सो कुराकानीमा गभर्नरले आवश्यक प्रक्रिय मिलाई परिस्थिति सहज बनाउने समाचार बाहिरिएसँगै नेप्से उच्च दरमा बढेको छ।
नेप्से परिसूचक करिब ६ प्रतिशत बढेर बन्द भएको छ। मार्जिन कर्जामा १२ करोडको सीमाको त्रासले घटेको बजार, यस दिन अर्थमन्त्री र गर्भनर बीचको टेलिफोन वार्ताको समाचार पछि उच्च दरमा बढ्न थालेको हो।सोमबार नेप्से परिसूचक ५.७४ प्रतिशत बढेर २९८०.७८ विन्दुमा पुगेको छ। यस दिन सेन्सेटिभ इण्डेक्स ६.०२ प्रतिशत बढेको छ। त्यसैगरी, यस दिन फ्लोट इण्डेक्स ११.२३ अंक र सेन्सेटिभ फ्लोट इण्डेक्स १०.४४ अंक बढेको छ। यस दिन २२४ कम्पनीको १ लाख ९ हजार पटकको कारोबारमा ९ अर्ब ८२ करोड ६२ लाख २२ हजार रुपैयाँ बराबरको १ करोड ७९ लाख २२ हजार कित्ता शेयर खरिदबिक्री भएको छ।
