आज काठमाडौैं महनगरपालिकाको बिजेश्वरी क्षेत्रमा गोली चल्दा १ जना घाइते भएको छ । प्रहरीका अनुसार क्याफेमा लुटेरा समाउने क्रममा मुठभेड भएको र सोही क्रममा महानगरीय अपराध महाशाखाको टोलीले लुटेरामाथि गोली चलाएको जनाएको छ। हाल घाइतेको ट्रमा सेन्टरमा उपचार भइरहेको छ।
मोरङको लेटाङमा आगलागी हुँदा तीन घर जलेर नष्ट भएको छ । इलाका प्रहरी कार्यालयका अनुसार आगलागीबाट स्थानीय मेषबहादुर विक, डोलप्रसाद मगर र भक्तबहादुर राईको घर जलेर नष्ट भएको जनाएको छ । आगलागी स्थानीयबासी र सुरक्षाकर्मीले नियन्त्रणमा लिएका थिए । इलाका प्रहरी कार्यालयका अनुसार बिजुली सट भएर आगलागी भएको जनाएको छ । आगलागीबाट ५० लाख रुपैयाँ बराबरको आर्थिक नोक्सानी भएको प्रहरीले अनुमान गरेको छ ।
विप्लव नेतृत्वको समूहले मकवानपुरको फाखेल हुमाने भन्ज्याङमा बा१४च ८२३४ नंको कार र मकवानपुरको मनहरी ज्यामिरे खरङ्गामा बा५ख १७३९ नंको ट्रक जलाएका छन् । कार पूर्णरूपमा जलेको छ भने ट्रकको अगाडिको भाग मात्र जलेको उनले बताए । यसैगरी हेटौँडाको विभिन्न स्थानमा शङ्कास्पद वस्तु फेला परेको छ । हेटौँडाको थाना भन्ज्याङ , चौकीटोल र हुप्राचौर क्विक २० पार्टीप्यालेस नजिकै शङ्कास्पद वस्तु भेटिएको प्रहरीले जनाएको छ ।
जनकपुरको कदम चोकस्थित होटलमा ग्यास सिलिण्डर बिस्फोट भएर आगलागी हुँदा तीन होटलमा क्षति भएको छ । प्रहरीका अनुसार जनकपुरधाम उपमहानगरपालिका–२ कदमचोकस्थित गोविन्द मिष्ठान भण्डार )र छेउमै रहेका दुई होटल समेत गरी ३ होटल जलेर पूर्णरुपमा नष्ट भएको जनाएको छ। होटलको भान्सामा राखिएको ८ ग्यास सिलिण्डर बिस्फोट भएर आगो लागेको प्रहरीले जनाएको छ। उपमहानगरपालिकाका दुई वटा र महेन्द्रनगरको एउटा दमकलको सहयोगमा आगो नियन्त्रणमा आएको प्रहरीले जनाएको छ । क्षतिको पूर्ण विवरण आएको छैन ।आगलागीको घटनाबारे थप अनुसन्धान भइरहेको प्रहरीले जनाएको छ ।
सप्तरीमा विद्युत् चुहिएर आगलागी हुँदा पाँच घर जलेर नष्ट भएको छ । स्थानीय राशिन्द्र यादवको घरबाट सूरु भएको आगोले काशिन्द्र यादव, जयनारायण यादव, जागेश्वर यादव र ध्रुवकुमार यादवको घर पूर्णरूपमा जलेर नष्ट भएको छ । प्रहरीका अनुसार करिब सात लाख बराबरको क्षति भएको जानकारी दिएको छ। नेपाल प्रहरी, सशस्त्र प्रहरी, नेपाली सेना र स्थानीयवासीको सहयोगमा राजविराज नगरपालिका र वारूणयन्त्रको सहयोगमा आगो नियन्त्रणमा लिइएको छ । स्थानीयवासीका अनुसार अन्नपात, लत्ताकपडा, भाँडावर्तन, सरसामान आगलागीमा परी जलेर नष्ट भएको जानकारी दिएको छ।
ललितपुरको केमिकल गोदाममा आगलागी भएको छ । ललितपुर प्रहरीका अनुसार आगलागीबाट गोदामका सामान जलेर नष्ट भएको जानकारी दिएको छ । ललितपुर महानगरपालिका, काठमाडौं महानगरपालिका र भक्तपुर नगरपालिकाको ४ दमकल, सुरक्षाकर्मी र स्थानीयको सहयोगमा आगो नियन्त्रणमा लिएको छ । आगलागीको कारण खुलेको छैन । आगलागीबाट कति क्षति भयो खुल्ल सकेको छैन ।
चितवन : नारायणगढको ग्लोबल आइएमई बैंकमा आगलागी भएको छ । जिल्ला प्रहरी कार्यालय चितवनका अनुसार आगलागी विद्युत् चुहावट भएर भएको जानकारी दिएको छ । आगलागीबाट के कति क्षति भयो भन्ने वास्तविक विवरण आउन सकेको छैन । स्थानीयवासी र दमकलको सहयोगले आगो नियन्त्रणमा लिइएको प्रहरीले जनाएको छ ।
संयुक्तराज्य अमेरिकामा लस एन्जलस नजिकै बाउलिङ खेलका क्रममा गोली चल्दा तीन जनाको मृत्यु भएको छ । प्रहरीका अनुसार घटनास्थलमै तीन जनाको मृत्यु भएको थियो । चार जना घाइते भएको छ । घाइतेहरुलाई उपचारका लागि अस्पतालमा भर्ना गरिएको छ । प्रहरीले सातै जना पीडितहरु पुरुष रहेको जनाएको छ ।
