काठमाडौं, १३ चैत । वायु प्रदुषणका कारण बन्द भएको भित्रुवन अन्तरराष्ट्रिय विमानस्थलको सेवा सन्चालनमा आएको छ । मौसम पूर्वानुमान महाशाखाका अनुसार हाल देशमा स्थानीय वायुसँगै पश्चिमी वायुको समेत आंशिक प्रभाव रहेको छ । प्रतिकूल मौसमको कारण शुक्रबार त्रिभुवन अन्तराष्ट्रिय विमानस्थलको उडान करिब दुई घन्टा बन्द भएको थियो । मौसम खराबीले आन्तरिक तथा अन्तरराष्ट्रिय दुवै उडान प्रभावित भएकामा केहीबेरदेखि उडान सञ्चालन भएको विमानस्थलले जनाएको छ ।
अहिले नेपालको आकाशमा बाक्लो तुवाँलो देखिएको छ । विभागका वरिष्ठ मौसमविद् राजु प्रधानाङ्गले केही दिनदेखि वायुमण्डलमा देखिएको धुलो र धुवाँका साथै आज नेपाल तथा भारतका केही स्थानमा लागेको डढेलोको धुवाँले मौसम बिग्रिएको बताउनुभयो ।
