शेयर धितो राखेर एक व्यत्ति वा परिवारले बैंकबाट १२ करोड भन्दा बढी ऋण लिन नपाउने व्यवस्था नेपाल राष्ट्र बैंकले गरेपछि शेयर बजारमा ठूलो ‘करेक्सन’ आएको छ । ३२०० अंक नजिक पुगेको नेप्से सूचक ओरालो लागेर २९७५.८४ मा आएको छ । यसबीचमा नेप्से करिव २ सय २४ अंक घटिसकेको छ । ठूला लगानीकर्ता डराएर ‘प्यानिक सेल’ गर्न थालका कारण नेप्से ओरालो लाग्न पुगेको शेयर बिश्लेषकको भनाइ छ । एक वर्षभित्रमा १२ करोडमा झार्नु पर्ने शेयर धितोकर्जा अहिले नै १२ करोडमा झार्न ताकेता गरेजस्तै गरेर नेप्सेमा गिरावट आएको छ । १२ करोडका कारण शेयर बजारमा तत्कालको लागि दबाब सिर्जना गरी नेप्से परिसूचकमा गिरावट आएको छ । ठूला लगानीकर्ता १२ करोडको ‘प्रेसर’मा परेका कारण नेप्से ओरालो लाग्न पुगेको हो । १२ करोडका कारण शेयर बजारमा तत्कालको लागि दबाब सिर्जना गरी नेप्से परिसूचकमा गिरावट आएको छ । अझ राष्ट्र बैंकको यस व्यवस्थाले बैंकले धितो लिने आधारभूत रुपमा सबल कम्पनीहरुको बिक्री दबाबका कारण गिरावट आएको लगानीकर्ताको भनाइ छ । मौद्रिक नीतिमा एक व्यक्तिले १२ करोडसम्म मात्र ऋण लिन पाउने व्यवस्थाले डराएको एक ठूला लगानीकर्ताले बताए ।
धेरैले मंगलबार बजारमा सुधार नदेखिनुलाई १२ करोड ‘ह्याङ’ बाट ठूला लगानीकर्ता मुक्त नभएकाले शेयर बजारमा ठूलो करेक्सन आएको बताएका छन् । ठूला लगानीकर्ताहरु भने साना लगानीकर्ताको पहुँच अभिबृद्धि गर्ने बाहानामा केन्द्रीय बैंकले पूँजी बजारलाई ध्वस्त बनाउन खोजेको आरोप लगाएका छन् । केन्द्रिय बैंकले ‘साना लगानीकर्ताको पहुँच अभिबृद्धि गर्ने बाहानामा पूँजी बजारलाई ध्वस्त बनाउन खोजिएको’ भन्दै लगानीकर्ता बिरोध गर्दै आएका छन् । तर, केन्द्रीय बैंक भने उक्त व्यवस्था सच्चाउन तयार देखिएको छैन् । केन्द्रिय बैंकले एक व्यक्तिले १२ करोड रुपैयाँसम्म मात्रै मार्जिन कर्जा लिन पाउने व्यवस्थालाई खारेज गर्दै पुरानै व्यवस्थालाई निरन्तरता दिन लगानीकर्ताले आग्रह गर्दै आएका छन् ।
