- राजेन्द्र कार्की, न्यूयोर्क
सोध्छौ किन
खोज्छौ किन
बास सबैतिर
आस सबैतिर,
साँझकी साउनी
बिहानकी कुकूर्नी
सबैको साथ
मस्त छ जीवन
फेरी किन सोध्छौ
पिउँन थालिस् भनेर !
खोयो देखि
छोयो बिर्के सम्म
सिरीप्प देखि
घैंटो सम्म
भ्याईयो सबै
मस्त छ जीवन
अड्डाको चिया हाकिम हुँ
सबैलाई चिन्छु
महिनाको अन्तिममा ,
परे
तिमीलाई किन्छु
फेरी किन सोध्छौ
पिउँन थालिस् भनेर !
बुरूक्क उफ्रन मन छ
झानेको झोलको स्वादमा
फिलाको भूटनमा
साउनीको वदनमा
फेरी खुट्टा लुलो
टाउको झुम्म
कान रातो मस्त छु
फेरी किन सोध्छौ
पिउँन थालिस् भनेर !
तलव थापेको छु
बेलायती पिएको छु
बाँकी सबै तिरेको छु
ज्यान कडा छ
रपनि साउनी बडा छे
पर्खाल बडा छ
आफै सानो भईएछ
फेरी किन सोध्छौ
पिउँन थालिस् भनेर !
