काठमाडौँ : काठमाडौँ नजिक रहेको नागदह टौदहमा आज नाग पञ्चमीको दिन विशेष मेला लाग्ने गर्दछ । प्रत्येक वर्ष श्रावण महिनामा पर्ने नागपञ्चमीको दिन टौदहमा कर्कोटक नागको बास गरि बसोबास गर्ने धार्मिक मान्यताअनुरूप पूजाआजा गर्ने चलन रहिआएको छ । साथै यस वर्ष कोरोनाको महामारीका कारण धेरैजसो धार्मिक स्थानमा पूजाआजा भिडभाड गर्न निषेध गरिएतापनि चौथो तहमा भने पूजाआजाका लागि अलि भीडभाड देखिएको छ ।
कर्कोटक नागराजा रानीको बासस्थान रहेको टौदहमा नेपालमा र विश्वमा विकराल रुपमा आइरहेको कोरोनाभाइरसको महामारीका कारण स्थानीय प्रशासनले सार्वजनिक स्थानमा प्रवेशको लागि रोक लगाइएका पनि यहाँ पूजाआजाका लागि आज नाग पञ्चमीको दिन पारेर खुल्ला गरिए तापनि सामाजिक दूरी कायम नराखी हुलदंगा गरी पूजाआजा गर्ने गरेको पाइएको छ ।
राज्यले तय गरेको मापदण्डविपरीत भीडभाड गर्ने कार्य टौदहमा पनि व्यवस्था गरेको पाइएको छ । अधिकांश ठाउँहरूमा मठमन्दिर पूजाआजाको लागि खुला नगरीय पनि टौदह विकास समितिले पूजाआजाको लागि प्रवेश गराएर अव्यवस्थित ढङ्गले दर्शन गराई रहेको पाइएको छ । टौदह समाज कीर्तिपुर ले अन्य समयमा पनि टौदहमा पौडी खेल्न डुङ्गा चलाउन निषेध गरिएका पनि नागपञ्चमीको दिन आज खुलेयाम पौडी खेलिरहेको पाइयो भने कैयौं टाढादेखि धर्म-कर्म गर्नको लागि आएका धर्म धर्मावलम्बीहरु सो क्षेत्रमा पूजाआजा गरी आफ्नो मनोकामना पुरा होस् भनी बरदान मागी रहेको पाइएको थियो यस्तो पवित्र स्थानमा पौडी खेल्ने कार्य नियम विपरित हो । सरोकारवालाहरुले नियम बनाउने र अन्य स्थानीय अर्थात अन्य व्यक्तिहरुले यसको अवज्ञा गर्ने कार्यले जनमानसमा खिन्नता वोध गराइरहेको छ ।