७ असोज, जनकपुर – नयाँ संविधानमा थारु, मधेसी र जनजातिलाई सम्बोधन नगरिएको भन्दै असन्तुष्ट भट्टराई शुक्रबार जनकपुर जाने कार्यक्रम छ ।  भने  जनकपुरमा बसेको मधेसी मोर्चाले भट्टराईको कार्यक्रम बहिस्कार गर्नुका साथै अवरोध गर्ने निर्णय गरेको छ । मोर्चाका प्रवक्ता एवं सद्भावनाका नेता संजय सिंहले भने-मधेस विरोधी संविधानमा उहाँले पनि हस्ताक्षर छ । मधेसमा अहिलेको अवस्थामा आाउनुमा एमाओवादी पनि जिम्मेवार छ ।’ संयुक्त लोकतान्त्रिक मधेसी मोर्चाले एमाओवादी वरिष्ठ नेता डा. बाबुराम भट्टराईले जनकपुर प्रवेशमा रोक लगाएको छ ।

३ असोज, काठमाडौं – ठूलो संघर्ष र लामो प्रतिक्षापछि बल्ल हामीले नयाँ संविधान पाउँदै छौं । मुलुकमा लोकतन्त्र आएको एक दशक बितिसक्दा समेत आमजनताले महशुस गर्ने खालका परिवर्तनहरु हुन सकेका थिएनन् । ढिलै भएपनि आइतबार नयाँ संविधान जारी हुने निश्चित भएपछि नेपालीहरु दिपावली मनाउन तयारी अवस्थामा रहेका छन् ।  एक दशक लामो माओवादी सशस्त्र द्धन्द्धमा मुलुकभित्र नयाँ उद्योग व्यवसाय खुल्न त परै जाओस्, भएका उद्योग व्यवसायहरु पनि बन्द हुन पुगे । जब ०६२/६३ को आन्दोलनपछि मुलुकमा लोकतन्त्र आयो, तब लगानीकर्तामा आशाको किरण पैदा हुन पुग्यो ।

मुलुकमा लगानीको ओइरो लागिरहेका बेलामा वैशाख १२ गते विनाशकारी भूकम्प गएपछि लगानीकर्ता हच्किन पुगे । लगानी घोषणा गरिएका कतिपय होटल निर्माण सुरु भइसकेका थिए भने कतिपय होटल निर्माणको अन्तिम तयारीमा थिए ।

खासगरी जलविद्युत, पर्यटन, कृषि, पूर्वाधार लगायतका क्षेत्रमा ठूलो लगानी घोषणा भइसकेको छ । त्यसमा पनि होटल उद्योगमा लगानीकर्ताको आकर्षण देखिएको छ । पर्यटनको प्रशस्त सम्भावना बोकेको नेपालमा भविष्य राम्रो देखेर लगानीकर्ता होटलमा आकषिर्त भएका हुन् ।

साना ठूला होटलमा करिव ५० अर्ब रुपैयाँको हाराहारीमा होटलमा नयाँ लगानी घोषणा भएको छ । कतिपय लगानीकर्ताले होटल निर्माण सुरु गरिसकेका छन भने कतिपयले राजनीतिक अवस्थालाई हेरेर बसेका छन् ।

६ असोज, काठमाडौं – राष्ट्रपतिदेखि सबै पाहुलाका लागि रात्रिभोज  भएको खुसियालीमा संविधानसभा भवन परिसरमा सञ्चालन गरिएको रात्रिभोजमा ४५ लाख रुपैयाँ खर्च भएको छ । तीन हजार जनाका लागि अर्डर भए पनि चार हजार भन्दा बढीले खाएको भन्दै संसदमा क्यान्टिन चलाईरहेको अल्फा हाउसले धेरै दाबी गरिरहेको संसद सचिवालयका कर्मचारीले बताए ।

संसदीय समितिको बेठक बसेको समयमा तीन सय रुपैइाँमा खुवाउने खानाभन्दा केही फरक नभए पनि प्रतिप्लेट एक हजार पाँच सयका दरले अल्फालाई पैसा तिर्नुपर्नेछ । सामान्य हिसावले पनि तीन हजार जनाका लागि एक हजार पाँच सयका दरले ४५ लाख रुपैयाँ हुन आउँछ । संसदीय समितिको बेठक बसेको समयमा तीन सय रुपैइाँमा खुवाउने खानाभन्दा केही फरक नभए पनि प्रतिप्लेट एक हजार पाँच सयका दरले अल्फालाई पैसा तिर्नुपर्नेछ । सामान्य हिसावले पनि तीन हजार जनाका लागि एक हजार पाँच सयका दरले ४५ लाख रुपैयाँ हुन आउँछ । स्रोत: जनआस्था साप्ताहिक

४ असोज, सप्तरी – मधेसवादी दलका नेताहरुले अब एकजुट भएर निर्णायक आन्दोलन गर्नुपर्ने बताउँदै आन्दोलन सँगसँगै लडाइँ पनि शुरु हुन सक्ने चेतावनी दिएका छन् ।  मुख्य तीन दलको अगुवाइमा जारी गरिएको संविधान सोमबार राजविराजमा जलाउँदै नेताहरुले यस्तो अभिव्यक्ति दिएका हुन् । तीनदलका नेताले संविधान जारी गरेर वार्तामा आउन आग्रह गरिरहेकै बेला सोमबार सप्तरीमा संविधान जलाउँदै मधेसी नेताहरुले शासकको हालत सिरिया वा लिबियाको जस्तै बनाइदिने चेतावनी दिएका छन् ।‘यो संविधान तीन दलले आफ्नो स्वार्थसिद्वीका लागि मात्रै बनाएका हुन्’ यादवले भने, “यो संविधान होइन, कागजको खोष्टो मात्रै हो, यसमा तीन दलको स्वार्थ मात्रै लुकेको छ ।’

१ असोज, काठमाडौं-  संविधानसभाबाट पारित भएको संविधानलाई संविधानसभा अध्यक्षले संविधानसभाको ल्होत्से हलमा आयोजित एक समारोहमा अध्यक्ष नेम्वाङले प्रमाणिकरण गरेका हुन् । प्रमाणीकरण समारोहमा प्रधानमन्त्री सुशील कोइराला, एमाले अध्यक्ष केपी शर्मा ओली, एमाओवादी अध्यक्ष प्रचण्डसहित पूर्व प्रधानमन्त्रीहरु सहभागी थिए । त्यसपछि अध्यक्ष नेम्वाङ सहित शीर्ष नेता र सभासदहरुले एक आपसमा बधाई साटासाट गरेका थिए ।अध्यक्ष नेम्वाङले संविधान प्रमाणीकरण गरेर देखाएपछि निकैबेर सम्म ल्होत्से हलमा ताली बजेको थियो ।प्रमाणीकरण गरिएका पाँच प्रति नेपाली कागजमा छापिएका संविधानमध्ये राष्ट्रपति कार्यालय, प्रधानमन्त्री कार्यालय, कानुन मन्त्रालय र संविधानसभा सचिवालयको अभिलेखमा राखिनेछ । अब संविधान जारी हुने बाहेक नेपालको संविधान निर्माणको सबै औपचारिक काम सकिएको छ ।