किन रोज्छन हाम्रा युवाले
अमेरिका यूरोप र अन्य राष्ट्र मात्र सँधै?
सायद देशको अबुझ पन हो की हो पराइ मुलुकको समृद्गि र विकास नै ?
किन होला टिक्न सक्दैनन्
जन्मेको भूमि जीनव भरी नै अझै!!
देशमा सहजता नभएर होकि हो विदेसमा सहजता धेरै ?
किन भाग्छन जन्मभूमि छाडी
युवाहरु त्यो पराइ भूमिमा!
के खोज्न जान्छन् हरेक मानिस
अरुले बनाएको अरुकै देशमा ?
राम्रो पनि कतै देखिन्न यो देश युवा बिहिन घर र
देश उजाड देखिन्छ !समृद्दिको पाटो र विकास अधुरो ज्ञान युवाहरुकै नपाउँदै !!
ज्ञानका दीपक कतै बल्दैन्न किन यस धरामा आज भोली!
बहादुरीका छाती पनि भेटिन्न्न
भूमिमा वीरता हराएझैँ !!
युवाको ज्ञान नपाउँदा सुन्य छन् हरेक माटो र खेत गर्हाहरु!
विकास दर्हिलो चाखेका छैनन् झैँ देखिन्छन हरेक धरा बरु यसै !!
कसरी र किन होला नि टिक्दैन्न युवा शक्ति यस भूमिमा!
चाहना नै राख्दैन्न किन कर्म पोख्न जन्मिएको माटो र जननीमा!!
जन्म दाता एक्लो जीवन सुन्यमा हरपल बिताउँछन!
सन्तान भने पराई भूमिमा कर्म पोख्न किन होला कति बाध्यछन्!!
यसको निधान पत्ता लगाओस राज्यको संयन्त्रले!
कारण के के हुन पत्ता लगाओस सारा यो कुरा मुलुकले!!
युवाको चाहना र मनलाई रोक्ने
सुबिधा सारा जुटाओस् मुलुक!
विज्ञानमा विकास,उर्जामा चमत्कार गरेर बढाओस शान देशमा !!
घुम्न जाउन ,परराष्ट्र धाउन कुटनैतिक मर्यादा र शानले!
नेपालको गरिमा समुन्नत पारुन विश्वमा नेपाली अभिमानले !!
शिक्षा आर्जन गराओस् देशले
कर्म गराओस हर युवा जोसको !!
नयाँ, नौला आविस्कार गराउनलाई
भूमिका सुम्पियोस् राज्य सम्यन्त्रले!!!
युवाले सजियोस् यो मेरो देश ज्ञानले भरियोस युवाको जोश!
ज्ञान पोखेर समृद्द बनोस विकासका पथले धरा बलियो बनोस् !!
