रोटिले बेटीलाई
बटीले रोटिलाई
दाईजोको ताप्केमा
तल माथि पल्टाउँदा
वारी म पारी तिमी
__________________________
दुखाई त उस्तै होलानी !
बाँधमा म फुलिदा
खडेरीमा तिमी सुकिदा
बिजुलीमा तेल नसाटिदा
भोको टोपी, भोकै धोती
वारी म पारी तिमी
__________________________
दुखाई त उस्तै होलानी !
नाकाबंदीको लस्करमा
नागरिकताको इँटा बर्षिदा
बा को औषधी छेकिदा
कोरोनामा तिम्री आमा छोडिदा
वारी म पारी तिमी
__________________________
पीडा त उस्तै होलानी !
कारगील देखी लद्दाक पड्किदा
तिलाठीबाट लिपुलेक सल्किदा
धुँवा उस्तै,बारूद उस्तै
रगत उस्तै मृतक उस्तै
वारी म पारी तिमी
__________________________
दुखाई त उस्तै होलानी!
गीता पढ्छौ, चन्दन लाउँछौ
सन्तको भेषमा मुसा बन्छौ
सीमा तोड्छौ,एकता फोड्छौ
आज बिपदले ढाडमा टेक्दा
वारी म पारी तिमी
पीडा त उस्तै होलानी !