चिलिमेका सहायक कम्पनी रसुवागढी हाईड्रोपावर कम्पनी (RHCL) ले विहीबार धितोपत्र बोर्डबाट एक करोड ६४ लाख २१ हजार ४० कित्ता प्राथामिक सेयर (आईपीओ) जारी गर्न अनुमति पाएको छ । दुई वर्षभित्र निर्माण सम्पन्न गरेर वाार्षिक रुपमा ६४ करोड ४० लाख युनिट विद्युत्त उत्पादन भई आयोजनाबाट वार्षिक साढे तीन अर्ब आय हुने अनुमान गरिएको रसुवागढीको एक करोड ६४ लाख कित्ता अाइपीअाे धितोपत्र बोर्डबाट स्वीकृत छ । कम्पनीले अधिकृत पूँजीको ७५ प्रतिशत रकम बराबरको पाँच करोड १३ लाख १५ हजार ७५० कित्ता सेयर धितोपत्र बोर्डबाट विहीबार स्वीकृत भएको छ । जसमध्ये ५१ प्रतिशत बराबरको तीन करोड ४८ लाख ९४ हजार ७१० कित्ता सेयर संस्थापक रहेको छ । कम्पनीको अधिकृत पूँजी ६ अर्ब ८४ करोड २१ लाख रुपैयाँ रहेको छ । पहिलो चरणको संस्थापक र कर्मचारीको प्राथमिक सेयर निष्काशन र बाँडफाँड पश्चात दोस्रो चरणमा मात्र सर्वसाधारमा सेयर जारी हुनेछ । सो समयमा कम्पनीले अधिकृत पूँजीको २५ प्रतिशत बराबरको एक करोड ७१ लाख पाँच हजार २५० कित्ता सेयर सर्वसाधारणका लागि धितोपत्र बोर्डबाट स्वीकृति पश्चात फेरी जारी गर्नेछ । उत्तरी रसुवामा निर्माणाधीन आयोजनाको निर्माण ५० प्रतिशतभन्दा बढी सम्पन्न भैसकेको छ ।
रसुवागढी हाईड्रोले भने आईपीओ निष्काशनको जिम्मेवारी सिद्धार्थ क्यापिटल, एनआईबिएल क्यापिटल, ग्लोबलआईएमई क्यापिटल र एनसीएम मर्चेन्ट गरी चारवटालाई संयुक्त रुपमा दिईएको छ । रसुवागढी जलविद्युत्त आयोजनाले रसुवा जिल्लामा १११ मेगावाटको आयोजना निर्माण गरिरहेका छ । चिलिमे हाइड्रोपावर लिमिटेड र नेपाल विद्युत प्राधिकरणको मुख्य लगानी रहेको आयोजना सन् २०१९ मा सम्पन्न गर्ने लक्ष्य छ ।
