काठमाडौ : सुरम्य शिवपुरी पर्वतको काखमा रहेको तारकेश्वर महादेव मन्दिर हिन्दु धर्मावलम्वीहरुको महत्वपूर्ण धार्मिक तीर्थस्थल हो । स्कन्दपुराणको श्री स्वस्थानीव्रतकथामा वर्णन भएअनुसार सतीदेविको दाहिना तिघ्रो पतन भएको यस स्थानमा तारकेश्वर महादेव उत्पन्नभई शिवशक्ति स्वरुपले रहेका हुन भन्ने उल्लेख छ । यस स्थानमा लक्ष्मीले तपस्या गरेका कारण यहाँ कुनै पनि अनिकाल नहुने जन विश्वास छ भने असार महिनामा खडेरी पर्दा तारकेश्वर महादेवको रुदी, हवन पूजा गरेर पानी माग्दा वर्षा हुने गरेको बिश्वास छ । पौराणीक कालमा दानवसंग युद्घ गर्ने देवगणले महादेबको प्रार्थाना गरी हातहतियार र सिद्घि प्राप्त गरेका कारण पुजाअर्चना एवंम् जपतप गर्दा मनोकाङ्क्षा समेत पुरा हुने बिश्वास रहेको पाईन्छ । त्यस्तै, पहिलेपहिले स्थानीयले धार्मिक कार्यका लागि भाडाँकुडा माग्दा प्राप्तहुने गरेको लोकोक्ति पनि जोडिएको पाईन्छ । त्यसैले, यस महादेव मन्दिरका साथै नगरभित्रका अन्य धार्मिक तथा साँस्कृतिक मठमन्दिर र पर्यटकीय स्थलहरुको स्वदेश तथा विदेशमा प्रचार प्रसारका साथै प्रवद्र्घन गर्नै मुल उदेश्यले तारकेश्वर नगरपालिका द्घारा यस पौराणिक तारकेश्वर महादैव मन्दिर शिव महापुराण २०८० आयोजना गरिएको हो ।
शिव महापुराण – २०८० माघ ११ गते बिहिबार देखि माघ २३ गते मंगलबार सम्म तारकेश्वर नगरपालिका वडा नं ३, मा रहेको तारकेश्वर महादेश मन्दिरमा संचालन हुन गैरहेको व्यहोरा सबैमा जानकारी गराई सो कार्यक्रमा सम्पुर्ण महानुभाबहरुलाई सादर निमन्त्रण गरिएको छ । शिवपुराण वाचक श्री गुरु नारायण चतुव्र्यूहज्यू को मुखारबिन्दबाट कथा वाचन हुने विराट ज्ञानमहायज्ञमा सबैलाई उपस्थितिका लागि सादर निमन्णा गरिएको छ ।
नयाँ वर्षको पहिलो दिनमै मध्यजापानमा एउटा शक्तिशाली भूकम्प गएको छ। जापानको तटीय नोतो क्षेत्रमा ७.६ म्याग्निट्यूडको भूकम्प गएको हो। स्थानीय समयानुसार दिउँसो ४ः०६ पहिलो पटक ५.७ म्याग्निट्यूडको भूकम्प मापन गरिएपछि त्यहाँ थप भूकम्पहरू आएको जापानको मौसम निकायले जनाएको छ। पहिलो भूकम्प गएपछि एक घण्टाको अवधिमा ७.६ म्याग्निट्यूडको सहित कम्तीमा पाँचवटा भूकम्प मापन गरिएको थियो। सबैभन्दा शक्तिशाली भूकम्प अनामिजु सहरनजिकै गएको बताइएको छ। भूकम्पपछि त्यहाँ सुनामी आउँदा केही क्षति भएको छ।
समुद्री तटमा रहेका मानिसहरूलाई उच्च भागतर्फ जान अधिकारीहरूले आग्रह गरेका छन्। जापानी राष्ट्रिय प्रसारक एनएचकेका अनुसार नोतो क्षेत्रको इशिकावा जिल्लाको तटीय क्षेत्रबाट मानिसहरूलाई “तत्काल उच्च भागमा जान” निर्देशन दिइएको छ। एनएचकेका अनुसार झन्डै पाँच मिटरजति अग्लो छाल नोतो क्षेत्रमा पुगेको छ। अधिकारीहरूले छिमेकी निगाता र तोयामा जिल्लामा पनि सुनामीको चेतावनी जारी गरेका छन्। ती क्षेत्रमा झन्डै तीन मिटर अग्ला छाल पुग्न सक्ने चेतावनी दिइएको छ। भूकम्पपछि भएको क्षतिको यकिन विवरण आइसकेको छैन। जापानमा भूकम्प जानु नौलो नभए पनि त्यसका कारण उत्पन्न हुने सुनामीले ठूलो धनजनको क्षति गराउन सक्ने ठानिएको छ।
