२४ चैत, काठमाडौंं – एकिकृत नेकपा माओवादी नेतृत्वको ३० दलीय मोर्चाले गरेको आवाहन गरेको बन्द सफल पार्न हिडेका एकीकृत माओवादीका काठमाडौ जिल्ला अध्यक्ष तथा अखिल क्रान्तिकारीका पूर्व अध्यक्ष हिमाल शर्मा प्रकाउ परेका छन् । उनलाई बिहान प्रहरीले विजुलीबजारबाट प्रकाउ गरेको हो ।
सानो संख्यामा रहेका बन्दकर्ताहरु बिजुलीबजार पुल नजिकै प्रदर्शन गरिरहेका थिए । मध्यान्ह १२ बज्नुभन्दा केही बेर अघि प्रहरीको भ्यान आइपुग्यो । भ्यानमा बिभिन्न ठाउँबाट पक्राउ परेका बन्दकर्ताहरु भित्र थिए । उनीहरुले आफ्ना साथीहरुलाई सडकमा देखेपछि भित्रैबाट नारा लगाए । बन्दकर्ताहरु विहानैदेखि राजधानीका विभिन्न ठाउँमा जम्मा भएर बन्द गराउँदै हिडेका छन् । बन्दले उपत्यकालगायत देशभरको जनजीवन प्रभावित भएको छ ।
