जापान – बर्लिना शर्मा २० बर्श कि भइन्, जिबन मा निकै उत्साह्, उम ङ्ग बोकेकी उनि भबिश्य मा सम्पन्न नारी हुन चाहन्छिन । निकै सकारात्मक सोचाइ राख्ने बर्लिना जापान मा बुवा हरी प्रसाद शर्मा सँग बस्छिन । बाबा को ब्यबसाय सम्हाल्दै जिबन यात्रा अगाडी बढाइ रहेकी छिन । उनि भन्छिन जिबन भने को जस्तो सोच्यो त्यस्तै हो, त्यसैले राम्रो काम गर्न र राम्रो सोचाइ राख्न किन हिचकिचाउने । जिबन मा राम्रो काम गर्न लाई उमेर ले नछेक्ने तर्क गर्छिन उनि । युबा हरु नै देश को गहना हुन तसर्थ युबा हरु ले मात्र देश लाई सही गती दिन सक्छन भन्छिन । जापान मा रहे पनि नेपाली कला सस्कृती र राजनीतिक घटना क्रम लाई नजिक बाट नियाली रहेकी उनि, अब को नेतृत्व युबा हरु लाई दिनु पर्ने जिकिर गर्छिन ।
रमाइलो कुरा के छ भने हरिप्रसाद विगत साढे दुई दशकदेखि नेपाल बाहिर छन् । सेफका रूपमा काम गर्नसबैभन्दा पहिले उनी जर्मनी पुगे । जर्मनी गएको केही समयपछि नेपालमा उनकी छोरी जन्मिइन् । छोरी जन्मिने क्रममा उनी बिदा मनाउन रूस पुगेका थिए । छोरीको नाम के राख्ने भन्ने छलफल चलिरहेका बेला हरिप्रसादले जर्मनी फर्किएर फ्याट् भनिदिए-जेठी छोरीको नाम रुष्मा राखौं।
उनकी श्रीमती गोमाले श्रीमान्को कुरामा सहमति जनाइन् । जर्मनी गएको दुई वर्षपछि नेपाल आएर पुनस् जर्मनी पुग्दा हरिप्रसादलाई दोस्रो पुत्री लाभ भयो । त्यस क्रममा उनले ग्रिसको भ्रमण गरिसकेका थिए, छोरीको नाम जुराइदिए- ग्रीष्मा । तेस्रो सन्तानका रूपमा पनि पुत्री नै लाभ भएपछि उनको नाम जुराइदिए्- पेरिश्मा ।
पेरिश्मा जन्मिनुअघि हरिप्रसाद नेपाल आएर फ्रान्सको पेरिस भ्रमण गर्नभ्याइसकेका थिए । २० वर्षअघि चौथो सन्तान पनि छोरी नै जन्मिएपछि हरिप्रसादले आफू बसिरहेको सहर जर्मनीको बर्लिनमा आधारित नाम जुराए- बर्लिना। ५७ वर्षीया हरिप्रसादका कान्छा सन्तान दुई वर्षका भए ।सबै छोरीको नाम युरोपका सहर तथा देशको नामबाट जुराइसकेकै थिए, छोरालाई मात्र किन सामान्य नाम राख्ने भन्ने सल्लाह गर्दै नेदरल्यान्डको राजधानी एम्स्टर्डम बाट छोराको नाम एम्स्टर्ड राखिदिए ।
