काठमाडौं – एमाओवादी अध्यक्ष प्रचण्ड, वरिष्ठ नेता डा. बाबुराम भट्टराई र उपाध्यक्ष नारायणकाजी श्रेष्ठ प्रकाशसहितका नेताहरु पनि सहभागी भेलामा थारु नेताहरुले ब्रिफिङ गर्दै आफूहरुको माग सम्बोधनका लागि पहल गर्न नेतृत्वलाई आग्रह गरेका छन् । कांग्रेस र एमालेलाई सहमति गराउन अन्तिम प्रयास गर्ने भन्दै प्रचण्डमा सहमति नभए आन्दोलनमा जान नरोक्ने बताए । प्रचण्डले शुक्रबार तीन दलको शीर्ष नेताहरुको बैठक बोलाइएको र त्यसमा आफूहरुले पहल गर्ने बताए । उनले भने-‘थरुवान हुनुपर्छ भनेर त हामीले पहिलेदेखि भन्दै आएको हौं । तर, अहिले हामीले मात्र भनेर हुने अवस्था छैन । कांग्रेस र एमाले मान्दा मात्र सम्भव छ ।’
‘कांग्रेस र एमालेले मान्यो भने ठिक छ । मानेनन् भने आन्दोलनमा नजानुस् भनेर रोक्दिँन’ तर, आन्दोलनका नाममा हिंसात्मक गतिविधि गर्ने र संविधान नै बन्न नदिने प्रपन्चप्रति भने सचेत हुनु पर्ने नेताहरूले बताएका छन् । उसले शुक्रबार बस्ने तीन दलको बैठकबाट माग सम्बोधन नभए थप आन्दोलनका कार्यक्रमहरु सार्वजनिक गर्ने बताएको छ ।
