आइतबार सुन तोलामा ७०० रुपैयाँले बढेको छ । नेपाल सुनचाँदी व्यवसायी महासंघका अनुसार आज छापावाल सुन प्रतितोला ९२ हजार रुपैयाँमा कारोबार भइरहेको छ भने तेजाबी सुन प्रतितोला ९१ हजार ५०० रुपैयाँमा खरिदबिक्री हुँदैछ । साताको पहिलो दिन सुनचाँदीको मूल्यमा वृद्धि भएको छ । अघिल्लो साताको अन्तिम कारोबार दिन भने सुन तोलामा २०० रुपैयाँले ओरालो लागेको थियो । महासंघको तथ्यांक अनुसार आइतबार चाँदी तोलामा १० रुपैयाँले बढेर प्रतितोला एक हजार २०० रुपैयाँमा कारोबार भइरहेको छ । शुक्रबार भने चाँदीको भाउ स्थिर रहेर प्रतितोला एक हजार १९० रुपैयाँमा खरिदबिक्री भएको थियो ।