चितवन – सौराहा र पश्चिम क्षेत्रमा रहेको पटिहानी जोड्ने यो पैदल मार्गको दुरी नौ किलो मिटर छ । सौराहामा पर्यटकहरुको चाप बढ्न थालेकाले यो पटिहानीको छितामाईबाट सुरू भएको पदमार्ग सौराहा खोरसोरमा पूरा हुन्छ ।‘पटिहानीमा पर्यटन व्यवसाय भर्खर सुरू भएकाले यहाँ स्थानीयलाई यो व्यवसायमा अग्रसर बनाउन सकिन्छ । पटिहानी क्षेत्रमा कुमाल ताल, श्रमिक ताल, कमल ताल, बीस हजारी ताल, प्राचीन छितामाई मन्दिरलगायतका पर्यटकीय क्षेत्र छन् ।
राप्ती नदीको आडमा निकुञ्ज र अन्य मध्यवर्ती सामुदायिक वनहरुसमेत भएकाले गैंडा चित्तलजस्ता वन्यजन्तुहरु सजिलै देख्न सकिने राप्ती नदी, निकुञ्ज र मध्यवर्तीको जंगल छ । वन्यजन्तु र चराचुरूङ्गी हेर्न चाहनेले यहाँ सजिलै आनन्द लिन सक्छ ।
