धादिङ – गाउलेहरुको रमाईलो धार्मिक पर्व । अाफन्त साथीभाईहरूको भेटघाटस्थल । जेरी, मिठाई, बदाम, सुन्तला र सखरखन्डको स्वाद। तामाँगसेलो, दोहरी, भजन, चुड्का अनी पन्चेबाजा ।समग्रमा आस्थाको केन्द्र, हाम्रो सम्पदा ।
याे जात्रा यस वर्ष मुख्य मन्दिरमा हुने सबैभन्दा ठूलाे जात्रा हाे । यस मन्दिरमा बलि पनि दिइन्छ तर कुखुरा परेवा र बाेकाकाे मात्र बलि दिइन्छ । राँगाे र भेडाकाे बलि दशैँघर अर्थात् गाउँकाेटकाे पूर्वी थुम्काकाे मन्दिरमामात्र । मंसिरकाे याे विशेषजात्राकाे दिनमात्र यस मुख्यमन्दिकाे मूलढाेका रातभर खुलै राखिन्छ । पर्सि बिहान सबेरै करीब सबा ५ बजे माईकाे सवारी बेसीकाेटकाे अर्काे मन्दिरमा भव्य नगरा बाजागाजा, शंखघण्ट, माईका दैनिक पूजाअारतीका सामानसहित सवारी चलाइन्छ । बेसीकाेटमा माईलाई भित्र्याएपछि दहीचामलकाे प्रसाद वितरण गरी भव्य न्वागीजात्रा मनाइन्छ । जात्राका स्थानीय विशेषता र राैनक पृथक र विशेष स्वाभाविक रुपमा हुनेछ ।
यसपालि श्री त्रिपुरासुन्दरी माईकाे यस भव्य सवारीयात्राकाे समाचार संकलन र छायांकनका लागि इमेज च्यानलका पत्रकार प्रतीक लामिछानेकाे संयाेजनमा देशका विभिन्न सञ्चारमाध्यमका प्रतिनिधिहरुकाे एेतिहासिक रुपमा उपस्थिति हुँदैछ भन्ने जानकारी यस पेजलाई भर्खरै प्राप्त भएकाे छ । विनिन्न नाैवटा टेलिभिजनका संवाददाता तथा क्यामेरामेन, दैनिक छापा पत्रिका तथा वेभ पत्रिकाका संवाददाताहरुसमेत ३२ जना सञ्चारप्रतिनिधिहरुकाे याे व्यावसायिक जमघट श्री त्रिपुरासुन्दरी माई भगवतीकाे चरणमा हुनु सल्यानकाेटबासी र समस्त संस्कृतिप्रेमी भक्तजनका लागि पनि गाैरवकाे कुरा हाे ।
श्री जगदम्बा माईकाे मन्दिरसम्बद्धी गाेपनीयता राखिनुपर्ने परम्परागत विषयबाहेकका यावत् एेतिहासिक, सांस्कृतिक अनि स्थानीय क्षेत्रका विविधताबारे सञ्चारजगतकाे जिज्ञासा पूरा गरिदिनुहुन सम्बद्ध सबैमा विनम्र अनुराेध छ । साथै पाहुनाहरुप्रति स्थानीय परम्पराअनुसार स्वागत सम्मान अनि अात्मीयता प्रस्तुत गरिदिनुहुन पनि सबै स्थानीयवासीमा सादर अनुराेध छ ।
हामीबाट हुने सम्मान हाम्रै गाैरव हाे र यसबाट हाम्रै गरिमा उच्च हुनेछ । यस जानकारीलाई पढ्नुभएका श्री त्रिपुरासुन्दरी माईका भक्तजनले जात्रालाई विशेष सफल बनाउन यस जानकारीलाई यथाशक्य रुपमा स्थानीय तहसम्म पुर्याउन सहयाेग गरिदिनुहुन पनि हार्दिक अनुराेध छ ।
सल्यानकाेट र सल्यानबेसीमा अवस्थित श्री त्रिपुरासुन्दरी माईकाे मन्दिरमा यही मंसिर १७ र १८ गते हुने विशेष सांस्कृतिक सवारीयात्रा र भव्य न्वागीजात्राकाे तयारीबारे प्रचारप्रसारका लागि मंसिर १० गते धादिङबेसीमा पत्रकार भेटघाट सम्पन्न भयाे ।
सिद्ध तीर्थस्थल श्री त्रिपुरासुन्दरी माईकाे मन्दिरमा हरेक वर्ष हुने सांस्कृतिक न्वागी जात्रा यस वर्ष मंसिर १८ गते परेकाे छ । १७ गते हुने गाउँकाेट जात्रा, १८ गते सबेरै गाउँकाेटबाट बेसीकाेटमा हुने भव्य सवारीयात्रा र बेसीकाेटमा हुने विशाल एवं भव्य न्वागीजात्रामा सहभागी हुन धादिङ्काे सल्यानकाेटमा पाल्नुहुन सबैमा सादर निमन्त्रणा ।
(शिव लामिछाने र राजन गौली को फेसबूक बाट साभार )
