दिपेश खतिवडा, १ वैशाख, काठमाडौं –  २०७१ सालमा नेपाल प्रहरीले आफ्नो घाँटीमा अड्केको काँडा झै मानेको केही अपराधको सफल

अनुसन्धान गरेको छ । १२ वर्ष पछि चर्चित रानीबारी हत्याकाण्डका दोषीहरुलाई प्रहरीको केन्द्रीय अनुसन्धान व्यूरो सिआइबीले पक्राउ गरेको थियो ।
तत्कालीन बहालवाला न्यायधीश रणबहादुरबम हत्याका मुख्य दोषीहरु पनि यो पर्ष पक्राउ परेका छन् । सिआइबीले नै बम हत्यामा संलग्न भएको भन्दै चुरेभावर पार्टीका नेता बाबु थापालाई पक्राउ गरेको थियो ।
२०७१ सालमा युवतीहरु माथि एसिड प्रहार भयो । ट्युसन पढन गएका सीमा बस्नेत र संगीता पुलामी मगर लगायतका कयौं युवतीहरु दशेभर नै एसिड प्रहारबाट प्रताडित भएका न्युजहरु सार्वजनिक भए । यो घटनाले प्रधानमन्त्री कार्यालय देखि प्रहरी कार्यालयसम्म चुनौती दिएको थियो ।
२०७१ सालमा बलात्कारका घटनामा पनि वृद्धि भएको छ । विशेष गरी बालिका बलात्कारका घटनाहरु यो वर्षमा धेरै रकर्ड भए । बाराकी ६ वर्षिया वालिकाको यौनाङ्मा बलात्कार पछि काठ रोपियो र उनको मृत्यु भयो । यस्तै यो वर्ष सामुहिक बलात्कारका घटनाहरु पनि भएका छन् ।
थाइल्याण्डमा अपहरणमा परेका नेपाली विद्यार्थीलाई उद्दार गरी सिआइबीले थाइ प्रहरीको सहयोगमा फरौती रकम असुल्न प्रयासरत अभियुक्तहरुलाई पक्राउ गरेको थियो । नेपालबाट फिरौती उठाइ थाइल्याण्ड पठाउने काममा संलग्न नेकपा माओवादीका उपत्यका इन्चार्ज श्रीचन राय पक्राउ परेका थिए ।
प्रहरीको नार्कोटिक्स व्यूरोले २०७१ सालमा नै ११ किलो कोकिन सहित मलेसियन नागरिक मेरिना विन्त जम्मुलादिनलाई त्रिभुवन अन्तर्राष्ट्रिय विमानस्थलबाट पक्राउ ग¥यो । बरामद भएको कोकिनका अवैध बजार मुल्य २२ करोड पर्ने बताइएको छ । पक्राउ परेकी मलेशियन नागरिक अन्तर्राष्ट्रिय लागूऔषध गिरोहकै सदस्य भएको प्रमाणित भएको छ ।
२७ वटा गैंडा मारेको अभियोगमा प्रहरीको मोस्ट वान्टेड सूचीमा रहेका राजकुमार प्रजा पनि २०७१ सालमा पक्राउ परेका छन् । मलेसियन प्रहरीको सहयोगमा सिआइबीले ४ वर्ष पछि प्रजालाई पक्राउ गरी नेपाल ल्याएको थियो ।
२०७१ सालमा प्रहरी गुण्डागर्दी अपराध विरुद्ध आक्रामक रुपमा प्रस्तुत भयो । गुण्डागर्दी विरुद्धको अप्रेशनमा डन दिनेश अधिकारी चरीको इन्काउन्टर नै भयो । काठमाडौं अपराध महाशाखाले करिब एक दर्जन हत्याकाण्डका अभियुक्तहरु पक्राउ ग¥यो र सुन तस्करहरु पनि पक्राउ परे ।

वैदेशिक रोजगारीका नाममा केन्या तान्जेनिया दुवइ लगायतका देशहरुमा नेपाली युवती बेचबिखन गर्ने गिरोह पनि २०७१ सालमा नै पक्राउ परेका छन् । यस्तै विवाह नै गराई चीन र कोरियामा नेपाली युवतीहरु तस्करी गर्दै आएको संगठित गिरोहलाई पनि सिआइबीले पक्राउ गरेको थियो ।

फाल्गुन १६, काठमाडौं – एमाओवादी अध्यक्ष पुष्पकमल दाहालले बहुमतीय प्रक्रियाबाट संविधान बनाउने गल्ती नसच्चिए सम्झौताविहीन आन्दोलन गर्ने चेतावनी दिएका छन् । काठमाडौंको खुलामञ्चमा शनिबार भएको ३० दलीय गठबन्धनको सभालाई सम्बोधन गर्दै दाहालले गल्ती नसच्याए परिणाम भोग्न तयार रहन सत्तारुढ दललाई चेतावनी दिए । ‘संविधानसभाभित्र रहेका र बाहिर रहेकालाई पनि सहमतिमा ल्याउन तयार हुनुहोस्, अझै पनि बल तपाईंहरुको कोर्टमा छ,’ दाहालले सत्तारुढ कांग्रेस-एमालेलाई चेतावनी दिए, ‘यदि तपाईंहरुले गल्ती सच्याउनुभएन भने धेरै ढिलो भइसक्छ, अबको आन्दोलन घोषणा भएपछि तपाईंहरुसँग सम्झौताको ठाउँ रहँदैन ।’ दाहालले सहमति र वार्ता विपक्षीले नभई सत्तापक्षले तोडेको उल्लेख गर्दैै समय छँदै गल्ती सच्याउन आग्रह गरे । ‘समय छँदै बहुमत प्रक्रिया खारेज गर्नुस्, रोक्नुस्, संवाद समितिबाटै हल गर्नुस्, वार्ता सजिलै सुरु हुन सक्छ,’ उनको भनाइ थियो, ‘गल्ती सच्याउनु हुन्न, करेक्सन नगर्ने हो भने परिणाम भोग्न तयार हुनुस् ।’

आज फागुन ७ अर्थात ६५ औं राष्ट्रिय प्रजातन्त्र दिवस। ६५ औं राष्ट्रिय प्रजातन्त्र दिवस आज देशभर विविध कार्यक्रम गरी मनाईदैछ । सैनिकमन्च टुँडिखेलमा बिहीबार विहान बिशेष कार्यक्रम आयोजना गरिएको छ। प्रजातन्त्र दिवसको अवसरमा टुँडिखेलमा आयोजित कार्यक्रममा सहभागी राष्ट्रपति रामबरण यादव, उपराष्ट्रपति परमानन्द झा, प्रधानमन्त्री सुशील कोइराला तथा मन्त्रीहरु ।

काठमाडौँः आफ्ना बाबु तत्कालीन राजा ज्ञानेन्द्र शाहले दाइजो बकस दिएको घरजग्गा जबरजस्ती सरकारी ट्रस्टमा राखिएको भन्दै पूर्वअधिराजकुमारी प्रेरणाराज्यलक्ष्मी सिंह न्यायका लागि सर्वोच्च अदालत पुगेकी छन्। विवाहमा दिएको दाइजोमाथि कसैले प्रश्न उठाउन नसक्ने दाबी प्रेरणाको छ। प्रेरणा ज्ञानेन्द्रकी एकमात्र छोरी हुन्। उनको विवाह २०५९ माघ १० गते राजबहादुर सिंहसँग भएको थियो।
कित्ता नम्बर २५ को उक्त घरजग्गा काठमाडौं महानगरपालिका १३ छाउनीमा छ। अर्बौं रुपैयाँ पर्ने उक्त घरजग्गाको क्षेत्रफल ०७६६४।६० वर्गमिटर छ। इजलासले निवेदिकाको मागबमोजिम आदेश जारी हुन नपर्ने भए आधार र कारण खोलेर १५ दिनभित्र लिखित जबाफ पेस गर्न विपक्षी सरकारलाई आदेश दिएको छ। विवाह हुँदा आफ्ना बाबुले घरसहित काठमाडौं छाउनीको १५ रोपनी एक आना जग्गा दाइजो बकस दिएको तर सरकारले जबरजस्ती ट्रस्टमा राखेको दाबी प्रेरणाको छ।
‘मेरो हकभोगको दाइजो बकसको सम्पत्ति मेरो जानकारी एवं मञ्जुरीबिना अनाहकमा अपहरण हुने गरी ट्रस्टमा राखेकाले संवैधानिक एवं कानुनी हकमा आघात पुग्न गएको छ’, प्रेरणाले सर्वोच्चमा सोमबार दर्ता गरेको रिट निवेदनमा उल्लेख गरेकी छन्, ‘त्यस्तो अनधिकृत, स्वेच्छाचारीपूर्ण एवं गैरकानुनी निर्णय बदर गराई न्याय माग्ने अन्य प्रभावकारी वैकल्पिक उपचार अभाव भएको हुँदा सम्मानित अदालतसमक्ष नेपालको अन्तरिम संविधान, २०६३ को धारा ३२ तथा १०७ बमोजिम यो निवेदन गरेकी छु।’
एकलौटी हकभोग हुने गरी दाइजो दिएको व्यहोरा उल्लेख गर्दै तत्कालीन श्री ५ महाराजधिराजका प्रमुख राजदरबार पदाधिकारीले २०६२ साल जेठ १० गते राजकीय सम्पत्ति कोष विभाग, राजदरबार तथा ढुकुटी विभाग ९राजदरबार० लाई लेखेको पत्रससहितका कागज प्रमाण रिटसँगै पेस भएको छ।
आफूसँग नसोधी सरकारले प्राकृतिक न्यायको सिद्धान्तविपरीत घरजग्गा ट्रस्टमा ल्याउने निर्णय गरेकाले बदर गर्न उनको माग छ। सरकारले नेपाल ट्रस्ट अध्यादेश, २०६४ अनुरूप उक्त जग्गा ट्रस्टमा राखेको हो।
आफ्नो विवाह हुँदा र दाइजो लिँदा तत्काल जारी रहेको नेपाल अधिराज्यको संविधान २०४७ को धारा ३० र ३१ अनुसार दाइजो बकसपत्र सम्बन्धमा कुनै प्रश्न उठाउन नपाइने दाबी उनले गरेकी छन्।
अन्तरिम संविधान र अध्यादेश लागू हुनुअघि नै आफ्नो हकभोग स्थापित भइसकेको प्रेरणाको जिकिर छ। सरकारले निर्णय कार्यान्वयन गर्न भन्दै ट्रस्टको नाममा बनाउन २०६४ पुस १ गते मालपोत कार्यालय कलंकीलाई परिपत्र गरेको थियो।
विधिवत् प्राप्त दाइजोको सम्पत्ति अपहरण हुन नसक्ने जिकिरसहित रिटमा लेखिएको छ, ‘स्वास्नी मानिसलाई माइतीमावलीपट्टिका नातेदार इष्टमित्रले दिएको चल अचल र त्यसबाट बढेबढाएको सम्पत्ति दाइजो हुने र त्यस्तो दाइजोको सम्पत्ति पाउनेले आफूखुस गर्न पाउने भन्ने मुलुकी ऐन स्त्री अंश धनको ४ र ५ नम्बरको कानुनी व्यवस्थाले पनि हक सुनिश्चित भई अकाट्य रहेको छ।’
उक्त घरजग्गा तत्कालीन राजा वीरेन्द्र शाह, रानी ऐश्वर्य, उनका छोराहरू दीपेन्द्र र निराजन कसैको नाममा नरहेको दाबी पनि रिटमा लिइएको छ। उक्त घरजग्गा ‘श्री ५ महाराजधिराज’ नारायणहिटी राजदरबारको नाममा स्रेस्ता कायम रहेको छ।
उक्त विवादमा मंगलबार सर्वोच्च अदालतमा सुनुवाइ भएको छ। न्यायाधीश चोलेन्द्रशमशेर राणाको एकल इजलासले सुनुवाइपछि मन्त्रिपरिषद्, भूमिसुधार तथा व्यवस्था मन्त्रालय, नारायणहिटीस्थित नेपाल ट्रस्टको कार्यालय र मालपोत कार्यालय कलंकीसँग कारण माग गरेको छ।
इजलासले निवेदिकाको मागबमोजिम आदेश जारी हुन नपर्ने भए आधार र कारण खोलेर १५ दिनभित्र लिखित जबाफ पेस गर्न विपक्षीलाई आदेश दिएको छ।
यस्तै इजलासले विपक्षीसँग २०६४ पुस १ गतेको उक्त घरजग्गा ट्रस्टमा राने निर्णय कार्यान्वयनसम्बन्धी पत्र र सम्बन्धित अन्य सक्कल कागजात पनि मागेको छ। मुद्दालाई छिटो निचोडमा पुस्याउन अग्राधिकार पनि प्रदान गरिएको छ। अन्नपूर्ण पोष्टबाट

२६ माघ, काठमाडौं – एकीकृत नेकपा माओवादी नेतृत्वको मोर्चाले प्रधानमन्त्री सुशिल कोईलाको वार्ता प्रस्ताव अस्वीकार गरेको छ । एकीकृत माओवादी संसदीय दलको कार्यालय सिंहदरबारमा सोमबार बसेको मोर्चाको बैठकले संविधान लेखनको बहुमतीय प्रक्रिया नरोकेसम्म वार्तामा नबस्ने निर्णय गरेको हो । प्रधानमन्त्रीले आह्वान गरेको पत्रमा १२ बुँदे सम्झदारी, अन्तरिम संविधान र अहिलेसम्मका उपलब्धीलाई संस्थागत गर्ने प्रतिबद्धता नजाएको भन्दै अर्को पत्र पठाउनुपर्ने निष्कर्ष निकालेको एक नेताले जानकारी दिएका छन् । मोर्चाले वहुमतीय प्रक्रियाका कारण नै दलहरुबीचको वार्ता हुन नसकेको भन्दै वार्ताका लागि प्रक्रिया रोक्नुपर्ने निष्कर्ष निकालेको हो ।