संविधानसभा अध्यक्ष सुवास नेम्वाङले बुधबार आह्वान गरेको कार्यव्यवस्था परामर्श समितिको बैठक केपी अाेली र प्रचण्डकाे अनुपस्थितिका कारण स्थगित भएको छ ।
नेकपा एमाले अध्यक्ष केपी शर्मा ओली र एमाओवादी अध्यक्ष प्रचण्ड उपस्थित नभएपछि बैठक बस्दै नबसी स्थगित गरिएको हो ।
प्रचण्ड भने ललितपुरको हात्तिवनस्थित उपाध्यक्ष नारायणकाजी श्रेष्ठको निवासमा सात दलीय मोर्चाको बैठकमा सहभागी भएकाले बैठकमा अाएनन्। एमाले अध्यक्ष ओली पार्टी कार्यक्रमको लागि गृहजिल्ला झापामा छन् ।
