त साताको सुरुमा मात्र त्यहाँ १ हजारभन्दा धेरै मानिसहरू पक्राउ परेका थिए। समाचार संस्था एएफपीका अनुसार मस्कोमा एक प्रदर्शनकारी पक्राउ पर्दै गर्दा “हामी तोपको चारा होइनौँ” भन्दै चिच्याएको देखिएको थियो।  रुसको दोस्रो सहर सेन्ट पिटर्सबर्गमा एक व्यक्तिले पत्रकारहरूलाई “म पुटिनका लागि युद्धमा जान चाहन्न” भनेका थिए। ७० वर्षीय नताल्या दुबोभाले एएफपीसँग कुरा गर्दै आफू युद्धको विपक्षमा उभिएको बताइन्। शनिवार पक्राउ परेका केहीलाई भर्तीको पत्र थमाइएको र सुरक्षा नियन्त्रणमै रहेका बेला उनीहरूलाई भर्ती केन्द्रहरूमा जान भनिएको बताइएको छ। क्रेमलिनले गत साताको सुरुमा यस अभ्यासको प्रतिरक्षा गर्दै “त्यो कानुन विपरीत नभएको” जनाएको थियो।