रु रु जलविद्युतको आइपीओमा १० गुणा बढी आवेदन परेको छ।  शुक्रबार साँझसम्ममा २ लाख ६७ हजार ९४३ जना आवेदकबाट ४१ लाख २६ हजार कित्ता शेयर खरिदको लागि आवेदन परेको छ। जुन कम्पनीले सर्वसाधारणमा विक्रीमा ल्याएको आइपीओको १०.८८ गुणा धेरै हो। रु रु जलविद्युतले सर्वसाधारणमा विक्रीमा ल्याएको आइपीओमा पहिलो दिन नै १० गुणा बढी आवेदन परेको छ।   निष्कासन मध्ये २ प्रतिशत अर्थात ८ हजार १५४ कित्ता शेयर कर्मचारीहरुलाई र ५ प्रतिशत अर्थात २० हजार ३८५ कित्ता शेयर सामूहिक लगानी कोषका लागि छुट्याइएको छ। सर्वसाधारण लगानीकर्ताहरुले बाँकी ३ लाख ७९ हजार १६७ कित्ताका लागि आवेदन दिन सक्नेछन्। स्थानिय बासिन्दा तथा सर्वसाधारणमा आईपीओ बिक्री गरेपश्चात कम्पनीको चुक्ता पूँजी ४० करोड ७७ लाख ५ हजार ५०० रुपैयाँ पुग्नेछ। रु रु जलविद्युत परियोजनाले चैत २० गते देखि प्रतिशेयर १०० अंकित मूल्यमा २० रुपैयाँ प्रिमियम थप गरी कुल १२० रुपैयाँमा ४ लाख ७ हजार ७०६ कित्ता शेयर बिक्रीमा ल्याएको छ।