जिल्लामा ८ हजार हेक्टरमा लगाइएको धानबालीलाई क्षति पुर्याएको प्रारम्भिक अनुमान गरिएको कृषि ज्ञान केन्द्रले जनाएको छ । पानीमा धान डुबे पछि उम्रिन थालेको छ । नियमित वर्षा र मलखादको सहज आपूर्तिले यस वर्ष सात प्रतिशत धान उत्पादन बढने अनुमान गरिएको बेला आइतबारदेखि भइरहेको अविरल वर्षाले धानबालीलाई क्षति गरेको हो । मुलुकैभर पानीले धान बिगारेका कारण अब चामल महँगो हुन्छ । गरिव विपन्नलाई छाक टार्न समस्या गरेको छ । यस वर्ष जिल्लामा ७१ हजार ५ सय हेक्टरमा खेती गरी २ लाख ८५ हजार ५८३ मेट्रिक टन धान उत्पादन हुने अनुमान गरिएको थियो । गत वर्ष ७१ हजार २ सय हेक्टरमा गरिएको धान खेतीबाट २ लाख ७१ हजार ९८४ मेटन धान उत्पादन भएको थियो ।
