दि पावर न्युज सम्वाद दाता, काठमाडौ – एकीकृत नेकपा माओवादीका अध्यक्ष प्रचण्ड नेतृत्वको मोर्चाले तत्काल सडक आन्दोलन नगर्ने भएको छ । साथै संविधानका अन्तरबस्तुमा सहमतिका लागि केही दिन प्रयास गर्ने बताएको छ । ‘दुई/तीन दिनभित्रमा सहमति भएन भने माघ ८ भित्र संविधान जारी गर्न निकै गाह्रो हुन्छ’ प्रचण्डले भनेका छन् । प्रचण्ड मोर्चाको बैठकलगत्तै शनिबार बालुवाटारमा तीन दलको बैठक बोलाइएको छ । प्रधानमन्त्री सुशील कोइराला र प्रचण्डबीच भएको छलफलअनुसार नै बालुवाटारमा शीर्ष नेताहरुको बैठक बोलाइएको हो । कांग्रेस, एमाले, राप्रपासहितका दलले भने आफूहरुको साझा प्रस्तावसहित सबैलाई संविधानसभामा पठाउन माग गर्दै आएका छन् ।