नयाँ बजेट निर्माणमा अनधिकृत व्यक्ति संलग्न भएको आरोप र अर्थ मन्त्रालयस्थित सीसीटीभी क्यामराको फुटेज मेटिएको सम्बन्धमा छानबिन गर्न प्रतिनिधिसभाले समिति गठन गरेपछि शर्माले अर्थमन्त्री पदबाट असार २२ गते राजीनामा दिएका थिए। शर्माले राजीनामा दिएपछि प्रधानमन्त्री शेरबहादुर देउवाले नयाँ अर्थमन्त्री नियुक्त नगरी अर्थ मन्त्रालय आफैँसँग राखेका थिए।

बजेट निर्माणसँग सम्बन्धित विवाद चर्किएपछि उनले गत प्रतिनिधिसभामा बोल्दै राजीनामा घोषणा गरेका थिए। उक्त विवादमा उनीमाथि छानबिन गर्न ११-सदस्यीय संसदीय छानबिन समिति बनेको थियो। शर्मामाथि लागेको आरोपबारे छानबिन गर्न बनेको समितिले गत प्रतिनिधिसभामा पेस गरेको प्रतिवेदनमा शर्मामाथि लागेको आरोप पुष्टि हुने आधार नभेटिएको उल्लेख गरेको छ।

यद्यपि उक्त छानबिन समितिले कैयौँ प्रश्नहरू अनुत्तरित नै छाडेको भन्दै प्रश्नहरू उठेका छन्।

त्यसलाई पनि प्रतिवेदनमा समेटिएको बताइएको छ। माओवादी पार्टीको महासचिव पदका लागि शर्मा र पुन दुवैलाई दाबेदार मानिएको छ। तर शर्मालाई मन्त्री पद दिएपछि पार्टीभित्र सन्तुलन मिलाउन प्रचण्डलाई सहज हुने ठानिन्छ। शर्माले महासचिवको टुङ्गो मतदानबाट लगाउन गरेको आग्रह प्रचण्डले अस्वीकार गरेपछि सबैले प्रचण्डले प्रस्ताव गर्ने नाम स्वीकार गर्ने सहमति बनेको नेताहरूले बताउँदै आएका छन्।