काठमाडौँ, १५ पुसः एक सय ६२ यात्रुसहित आइतबार बिहान बेपत्ता भएको एयर एसिया इन्डोनेसियाको जहाज जाभा समुन्द्रमा भेटिएको छ।इन्डोनेसियाका सैनिक विमानले उडान नम्बर क्यु जेड ८५०१ को ए ३२०(२०० जहाजको ढोका र इमरजेन्सी स्लाइडसहित १० टुक्रा भेटाएको हो। एयर सियाको सो जहाजलाई इन्डोनेसिया अनुसन्धान अधिकारीहरूले जाभा समुन्द्रमा १० टुक्रासहित फेला पारेको छ। विमानस्थलका अधिकारीहरूका अनुसार सम्पर्क टुट्नुअघि पाइलटले पूर्वनिर्धारित रुटभन्दा फरक मार्गमा उड्ने अनुमति मागेका थिए। सुराबाया उडेको केही समयपछि जाभा सागरमाथिबाट अन्तिमपटक उक्त जहाज एअर ट्राफिक कन्ट्रोलरको सम्पर्कमा आएको थियो।
