गाजा सिटीस्थित एउटा व्यस्त अस्पतालमा विस्फोट भएको छ। विस्फोटनमा परेर सयौँ व्यक्तिको मृत्यु भएको त्यहाँका स्वास्थ्य अधिकारीहरूले बताएका छन्।इजरेली सेनाले त्यो प्यालेस्टिनी ‘इस्लामिक जिहाद’ समूहको असफल रकेट प्रक्षेपणको नतिजा भएको बताएको छ।एक डाक्टरले अल-अहली अरब अस्पतालमा “नरसंहार” भएको भन्दै निन्दा गरेका छन् भने अर्का चिकित्सकले उक्त विनाशकारी दृश्यको वर्णन गरेका छन्।

गत अक्टोबर ७ मा प्यालेस्टिनी लडाकु समूह हमासले इजरेलमा अप्रत्याशित आक्रमण गरेपछि इजरेली लडाकु विमानहरूले गाजामा बमबारी गरिरहेका छन्। हमासको आक्रमणमा परेर इजरेलमा १,३०० भन्दा बढीको मृत्यु भएको थियो।