काठमाडौँ : वन तथा वातावरणमन्त्री प्रेमबहादुर आलेले आफ्नै विज्ञ सल्लाहकार यमबहादुर बमकी पत्नी सीता शाहीलाई मन्त्रालयअन्तर्गतको सल्लाहकार समितिमा कार्यकारी निर्देशक नियुक्त गरेका छन् । समितिमा अध्यक्षसहित ३ सदस्य रहने प्रावधान भए पनि कार्यकारी निर्देशक पद सर्वेसर्वा मानिन्छ । मन्त्री नियुक्त भएलगत्तै आलेले कैलालीका बमलाई विज्ञ सल्लाहकार नियुक्त गरेका छन् । मन्त्री आलेले काठमाडौंकी दीपा दाहाललाई वन पैदावार विकास समितिको कार्यकारी अध्यक्ष बनाएका छन् ।
विगतमा पर्यटन मन्त्रालयमातहत रहेको राष्ट्रिय ताल विकास समितिलाई केही समयअघि वन मन्त्रालयअन्तर्गत ल्याइएको थियो । मन्त्रालय स्रोतका अनुसार आलेले ठाडो आदेशमा पार्टी निकटका व्यक्तिहरूलाई नियुक्ति दिने गरे पाईएको छ ।
